#ELECTION : ચૂંટણીની તૈયારીઓ – સી.આર.પાટીલના “વન ડે વન ડીસ્ટ્રીકટ” કાર્યક્રમનો આવતીકાલે તાપી જિલ્લાના વ્યારા ખાતેથી કરશે પ્રારંભ

ભાજપા પ્રદેશ અધ્યક્ષ સી.આર.પાટીલ સમગ્ર રાજ્યના 41 જિલ્લાઓમાં “વન ડે વન ડીસ્ટ્રીકટ” કાર્યક્રમ અંતર્ગત પ્રવાસ કરવાના છે.

ભાજપા પ્રદેશ અધ્યક્ષ સી.આર.પાટીલના “વન ડે વન ડીસ્ટ્રીકટ” કાર્યક્રમનો આવતીકાલે તાપી જિલ્લાના વ્યારા ખાતેથી થશે પ્રારંભ કરશે. ભારતીય જનતા પાર્ટી ગુજરાત પ્રદેશ મીડિયા વિભાગ એક અખબારી યાદીમાં જણાવે છે કે, સુરત શહેરના ઉધના સ્થિત પંડિત દીનદયાલ ઉપાધ્યાય ભવન ખાતે બુધવારે આયોજિત પત્રકાર પરિષદમાં વિશેષ રૂપે ઉપસ્થિત પ્રદેશ મહામંત્રી પ્રદીપસિંહજી વાઘેલાએ જણાવ્યું હતું કે પ્રવાસ, સંપર્ક અને બેઠકના મૂળમંત્ર સાથે સંગઠનને વધુ ને વધુ સંગઠિત કરવાના ધ્યેય સાથે ભાજપા પ્રદેશ અધ્યક્ષ સી.આર.પાટીલ સમગ્ર રાજ્યના 41 જિલ્લાઓમાં “વન ડે વન ડીસ્ટ્રીકટ” કાર્યક્રમ અંતર્ગત પ્રવાસ કરવાના છે.

તેમના આ પ્રવાસ દરમિયાન સમાજના વિવિધ ક્ષેત્રના લોકો સાથે સંવાદ કરશે તેમજ હિન્દૂ ધર્મના વિવિધ સંપ્રદાયના સાધુ-સંતોને મળીને તેમના આશીર્વાદ ગ્રહણ કરશે.

પ્રદેશ મહામંત્રી પ્રદીપસિંહજી વાઘેલાએ વધુમાં જણાવ્યું હતું કે, પ્રદેશ અધ્યક્ષશ્રી સી.આર.પાટીલ સાહેબ આવતીકાલે તા.21/04/2022ને ગુરુવારથી તાપી જિલ્લાના વ્યારા ખાતેથી તેમના “વન ડે વન ડીસ્ટ્રીકટ” કાર્યક્રમનો પ્રારંભ કરશે.

દેશના યશસ્વી આદરણીય પ્રધાનમંત્રી નરેન્દ્રભાઈ મોદી સાહેબ સમગ્ર દેશમાં અવિરત પ્રવાસ કરી રહ્યા છે તેજ રીતે પક્ષના રાષ્ટ્રીય અધ્યક્ષ શ્રી જે.પી.નડ્ડાજી પણ દેશભરમાં સતત પ્રવાસ દ્વારા સંગઠનનું સશક્તિકરણ કરી રહ્યા છે. તેમ તેમને જણાવ્યું હતું.