#PATAN_HNGU : હેમચંદ્રાચાર્ય ઉત્તર ગુજરાત યુનિવર્સિટી દ્વારા 27મી મેના રોજ રાજ્યપાલ ની ઉપસ્થિતિ માં ગોલ્ડ મેડલ વિતરણ કાર્યક્રમ યોજાશે..

38 જેટલા વિદ્યાર્થીઓને રાજ્યપાલના હસ્તે ગોલ્ડમેડલ આપી સન્માનીત કરાશે..

પાટણ હેમચંદ્રાચાર્ય ઉત્તર ગુજરાત યુનિવર્સિટી દ્વારા આગામી 27મી મે શુક્રવારના રોજ કન્વેન્શન હોલ ખાતે યોજાનાર ગોલ્ડમેડલ વિતરણ સમારોહ કાર્યક્રમ તેમજ
યુનિવર્સિટી દ્વારા છેલ્લા અઢી વર્ષમાં કરવામાં આવેલી વિવિધ કામગીરીની માહિતીથી અવગત કરવા બુધવારના રોજ પત્રકાર પરીષદ યોજાઇ હતી.
પાટણ યુનિવર્સિટી દ્વારા વર્ષ 2018-19માં વિવિધ વિધાશાખામાં ઉત્કૃષ્ટ પરીણામ મેળવનાર 25 થી વધુ વિદ્યાર્થીનીઓ મળી કુલ 38 જેટલા વિદ્યાર્થીઓને રાજ્યપાલના હસ્તે ગોલ્ડમેડલ આપી સન્માનીત કરવામાં આવશે. જે અનુસંધાને 27મી મેના રોજ કન્વેન્શન હોલ ખાતે ગોલ્ડમેડલ વિતરણ સમારોહ કાર્યક્રમ યોજાશે.
આ બેઠકમાં પત્રકારોને માહિતી આપતા કાયૅકારી રજિસ્ટારે જણાવ્યું હતું કે, ગોલ્ડ સેરેમની સમારોહમાં સ્વામીનારાયણ સંસ્થાનના પ.પૂ.જ્ઞાન વત્સલ સ્વામી અને પૂર્વ મુખ્યમંત્રી આનંદીબેન પટેલના પતિ મફતલાલ પટેલને રાજયપાલના હસ્તે ડી.લીટની પદવી પણ એનાયત કરવામાં આવશે.
આ બેઠકમાં યુનિવર્સિટી દ્વારા છેલ્લા અઢી વર્ષના સમયગાળા દરમિયાન યુનિવર્સિટીએ કરેલી કામગીરી તેમજ ભવિષ્યમાં તેનું શું આયોજન છે, તે અંગેની રજીસ્ટાર દ્વારા પત્રકારોને રુપરેખા આપવામાં આવી હતી. જેમાં યુનિવર્સિટી દ્વારા નાણાકીય બાબતમાં પારદર્શિતા, વહીવટી સંચાલન, ઇન્ટરનેશનલ સ્ટુડન્ટને પ્રવેશ, તાનારીરી કોલેજની મંજુરી, યુનિવર્સિટીના જમીન સંપાદનના ખોરંભે ચડેલ પ્રશ્નનું નિરાકરણ, એનસીસી બટાલીયનની શરુઆત, ઓક્સિજન પ્લાન્ટ, વડાવલી સેન્ટરમાં કેમેસ્ટ્રી અભ્યાસક્રમની શરુઆત તેમજ અઢી વર્ષના સમયગાળામાં યુનિવર્સિટીના પરીક્ષા વિભાગ દ્વારા 1630 પરીક્ષાઓ લેવામાં આવી છે, તે સહિતની વિવિધ કામગીરી વિશે રજીસ્ટારે પત્રકારો ને માહિતી આપી હતી.
આ પ્રેસ કોન્ફરન્સમાં યુનિવર્સિટી શારિરીક શિક્ષણ નિયામક ડો.ચિરાગ પટેલ, પરિક્ષા નિયામક મિતુલ દેલીયા,એનસીસી કેડેટ વિભાગના ડામોર,હિસાબી અધિકારી ડો.કે.કે.પટેલ ખાસ ઉપસ્થિત રહ્યા હતા.