ઉમેદવારો એ હાઈવે ચક્કાજામ કરતા પાંચ ઉમેદવારોની પોલીસે અટકાયત કરી..
પાટણ તા. 29
ગુજરાત પંચાયત સેવા પસંદગી મંડળ ગાંધીનગર દ્રારા જુનિયર ક્લાર્ક ની રવિવારે લેવાનારી પરિક્ષા નું પેપર ફૂટતા પાટણમાં ઉમેદવારો રોસે ભરાયા હતા અને શહેર ના ટીબી ત્રણ રસ્તા પર ચક્કા જામ કરી ભાજપ વિરુદ્ધ ભારે સૂત્રોચાર સાથે વિરોધ પ્રદર્શન કરતા પોલીસનો કાફલો દોડી આવ્યો હતો અને વિરોધ પ્રદર્શિત કરી રહેલા ઉમેદવારો પૈકી પાંચ જેટલા ઉમેદવારોની અટકાયત કરી હતી.
રાજ્યમાં રવિવારે સવારે 11: 00 વાગે ગુજરાત પંચાયત સેવા મંડળ દ્વારા જુનિયર ક્લાર્ક ની પરીક્ષા શરૂ થાય તે પૂર્વે જ પેપર ફૂટ્યુ હોવાનું સામે આવતા પરીક્ષા રદ કરવામા આવતા છેલ્લા ધણા સમયથી પરિક્ષા ની તૈયાર કરી પાટણમાં પરિક્ષા આપવા માટે આવેલા 31,000 જેટલા ઉમેદવારો મા નારાજગી સાથે સરકાર સામે રોષ ભભૂકી ઊઠયો હતો. જુનિયર ક્લાર્ક ની પરીક્ષા આપવા માટે વહેલી સવારથી જ પાટણ ના પરીક્ષા કેન્દ્ર ઉપર ઉમેદવારો પહોંચી ગયા હતા. ત્યારે ગૌણ સેવા પસંદગી મંડળ દ્વારા પરીક્ષા રદ કરી હોવાની જાહેરાત કરતા જ ઉમેદવારોને ભારે ઝાટકો લાગ્યો હતો અને ફરી એકવાર પરીક્ષા પૂર્વે પેપર ફૂટતા ઉમેદવારોમાં ભારે રોષ ફાટી નીકળ્યો હતો. પાટણ શહેરમાં ટીબી ત્રણ રસ્તા ઉપર ઉભેલા ઉમેદવારોના ટોળા પૈકી કેટલાક લોકોએ ભારે રોષે ભરાઈને માગૅ પર ચક્કાજામ કરી ભાજપ સરકાર હાય હાય ના નારા સાથે ઉગ્ર સૂત્રોચાર સાથે વિરોધ પ્રદર્શન કરતા પોલીસનો કાફલો ઘટના સ્થળે દોડી આવતાં ઉમેદવારો અને પોલીસ વચ્ચે ઘષૅણ થયું હતું. પોલીસે પાંચ જેટલા ઉમેદવારોની અટકાયત કરી ટોળું વિખેરી રસ્તો ખુલ્લો કરી વાહન વ્યવહાર શરૂ કરાવ્યો હતો.
