લંડન માં અભ્યાસ માટે ગયેલા રણાસણ ગામના વિદ્યાર્થીના આકસ્મિક મોત અંગે ઘૂંટાતું રહસ્ય.

માતા- પિતાએ પુત્રની ડેડ બોડી ભારત લાવવા સરકાર પાસે માગ કરી..

પાટણ તા. ૨૨
ચાણસ્મા તાલુકાના રણાસણ ગામના ખેડૂત પરિવારનો પુત્ર બે મહિના પહેલા સ્ટુડન્ટ વિઝા પર લંડન ગયો હતો જ્યાં છેલ્લા પાંચ દિવસથી પરિવાર સાથે સંપર્ક તૂટતા પરિવારજનોમાં ચિંતાનું મોજુ ફરી વળ્યું હતું ત્યારે ગતરોજ યુવાનની ડેડ બોડી મળ્યા ના સમાચાર પરિવારજનોને મળતા પરિવારજનોમાં શોકનું મોજુ ફરી મળ્યુ હતું.તો માતા પિતા દ્રારા પોતાના પુત્રની ડેડ બોડીને ભારત લાવવા માટે પાટણના સાંસદનો સંપર્ક કરી સરકાર પાસે માગ કરી હોવાનું જાણવા મળ્યું છે.

આ સમગ્ર ધટનાની મળતી હકીકત મુજબ મૂળ પાટણ જિલ્લાના ચાણસ્મા તાલુકાના રણાસણ ગામના વતની પ્રવીણભાઈ જોઈતારામ પટેલ કે જેઓ રણાસણ ગામે ખેત મજૂરી કરી પોતાનું ગુજરાત ચલાવે છે ત્યારે તેમનો પુત્ર મીત અભ્યાસ અર્થે લંડન જવા માંગતો હોય તેઓ દ્વારા તારીખ 19 -9 -2023 ના રોજ સ્ટુડન્ટ વિઝા પર પોતાના પુત્રને લંડન મોકલ્યો હતો.લંડન પહોંચ્યા બાદ નિત્ય મિત પોતાના પરિવારજનો સાથે ફોન ઉપર સંપર્કમાં રહેતો હતો પરંતુ છેલ્લા પાંચ દિવસથી મિત નો પરિવારજનો સાથે સંપર્ક ન થતાં પરિવારજનો પણ ચિતિત બન્યા હતા ત્યારે ગતરોજ અચાનક મીતની ડેડ બોડી મળી આવ્યા ના સમાચાર પરિવારજનોને મળતા પરિવારજનો પર આભ તૂટી પડ્યું હતું.

તો મીતની હત્યા કરાઈ હોવાનો પરિવારજનો દ્રારા આક્ષેપ કરવામાં આવ્યો છે. મૃતક મીતના પરિવાર જનો એ જણાવ્યું હતું કે લંડનમા અભ્યાસ અર્થે ગયેલા મિતને કોઈ એ કિડનેપીગ કરીને તેની હત્યા કરી હોવાના આક્ષેપ કરી મૃતક મીતના પિતા દ્વારા જણાવ્યું હતું કે અમો દ્વારા મીતને તારીખ 19-9-2023 ના રોજ સ્ટુડન્ટ વિઝા પર લન્ડન મોકલ્યો હતો. ત્યારબાદ તારીખ 17- 11-2023 થી તેનો ફોન બંધ આવતો હતો.ત્યારે છેલ્લી વાત શુક્રવારે તેની સાથે થઈ હોવાનુ તેઓએ જણાવ્યું હતુ.મૃતક મીતની લાશને ભારત પરત લાવવા માટે પરિવાર જનો દ્વારા પાટણ લોકસભાના સાંસદ ભરતસિંહ ડાભીને જાણ કરી સરકાર સમક્ષ માગ કરી હોવાનું પરિવારજનો દ્વારા  જણાવ્યું હતું.

અહેવાલ યશપાલ સ્વામી