ઐતિહાસિક અને સંગીત ની નગરી પાટણ શહેરની શ્રીમતી કેસરબાઈ કીલાચંદ સરકારી કન્યા શાળાના સંગીત શિક્ષક કમલેશભાઈ સ્વામીનો યાદગાર વય નિવૃત્તિ સન્માન -સમારોહ કાર્યક્રમ યોજાયો..

બે દિવસીય આયોજિત વય નિવૃત્તિ કાર્યક્રમમાં સુંદરકાંડ અને હનુમાન ચાલીસા ના પઠન સાથે ગુજરાતી સુગમ સંગીત નો જલસો કરાયો..

પવિત્ર યાત્રાધામ વિકાસ બોર્ડના સચિવ સહિત ભાજપ પ્રદેશના પૂર્વ મહામંત્રી સાથે અનેક મહાનુભાવો અને વિવિધ સંસ્થાઓએ ઉપસ્થિત રહી હૂંફાળુ વિદાય માન આપ્યું..

પાટણ તા. ૨૪
પાટણ શહેરની શિક્ષણ ક્ષેત્રે આગવી ઓળખ ઉભી કરનાર શ્રીમતી કેસરબાઈ કિલાચંદ સરકારી કન્યા વિદ્યાલય માં છેલ્લા 33 વર્ષ સુધી મદદનીશ સંગીત શિક્ષકની સાથે સાથે શાળા સંકુલ ના વિકાસ માટે દાતાઓના સંપર્ક કરી સરકારી શાળાને ખાનગી શાળા કરતાં પણ સુવિધા સંપન્ન બનાવવામાં યશભાગી રહેલા પાટણના કમલેશભાઈ અમીચંદદાસ સ્વામી તારીખ 31/5/ 2024 ના રોજ વય મર્યાદા ને લઇ નિવૃત બન્યા હતા. જોકે વેકેશનના સમય દરમિયાન તેઓ ફરજ નિવૃત્ત થયા હોય તેઓનો નિવૃત્તિ વિદાય સન્માન સમારોહ કાર્યક્રમ શાળા પરિવાર સહિત તેઓના સહયોગીઓ દ્વારા શનિવાર અને રવિવાર એમ બે દિવસીય જુદા જુદા કાર્યક્રમો થકી ઉજવવામાં આવ્યો હતો.

પાટણની શ્રીમતી કેસરબાઈ કિલાચંદ સરકારી કન્યા વિદ્યાલયમાં 33 વષૅ સુધી નિષ્ઠાપૂર્વક ફરજ બજાવવા ની સાથે સાથે શાળામાં અભ્યાસ કરતી વિધાર્થીઓની સુવિધાઓ મા સતત વધારો કરવા ચિંતન અને મનન સાથે દાતાઓના સંપકૅ કરી એક સરકારી શાળાને ખાનગી શાળાઓ કરતાં પણ વિશેષ સુવિધા પુણૅ બનાવવા માટે કામગીરી કરનાર મદદનીશ સંગીત શિક્ષક કમલેશભાઈ સ્વામી ના નિવૃત્તિ વિદાય કાર્યક્રમ અંતર્ગત શનિવારે શાળા પરિસર ખાતે પાટણના જાણીતા ઈન્ટર નેશનલ ગાયક કલાકાર રાકેશ ભાઈ સ્વામી અને તેમના કલાવૃદ દ્રારા ભક્તિ સંગીત ના સુરો વચ્ચે સુંદરકાડ અને હનુમાન ચાલીસા નું પઠન કરી કમલેશભાઈ સ્વામી નું નિવૃત જીવન નિરોગી અને યશસ્વી બની રહે તેવી કામનાઓ વ્યક્ત કરવામાં આવી હતી.

તો બીજા દિવસે રવિવારના રોજ સવારે 8:00 થી 10 પાટણ શહેરના વિવિધ સંગીત કલાકારો દ્વારા ગુજરાતી સુગમ સંગીતનો જલસો કરવામાં આવ્યો હતો. ત્યાર બાદ કમલેશભાઈ સ્વામીને શ્રીમતી કેસર
બાઇ કિલાચંદ સરકારી કન્યા શાળા પરિવાર સહિત શહેરની વિવિધ સેવાકીય,સામાજિક,શૈક્ષણિક અને ધાર્મિક સંસ્થાઓ સાથે સાથે કમલેશભાઈ સ્વામીના પરિવારજનો અને સમાજના આગેવાનો દ્વારા હુંફાળુ વિદાયમાન આપવા માટે સન્માન સત્કાર સમારોહ ગુજરાત રાજ્ય પવિત્ર યાત્રાધામ વિકાસ બોર્ડના સચિવ આર. આર. રાવલ, ગુજરાત પ્રદેશ ભાજપના પૂર્વ મહામંત્રી અને પાટણ ના પનોતા પુત્ર કે સી પટેલ,
જિલ્લા શિક્ષણાઅધિકારી અશોકભાઈ ચૌધરી,જિલ્લા શિક્ષણ નિરીક્ષક શ્રીમતી અનિશાબેન પ્રજાપતિ, શ્રીમતી મધુબેન દેસાઈ તેમજ પાટણ મહાકાળી મંદિરના પૂજારી અને સારા લેખક-સાહિત્ય કાર અશોક ભાઈ વ્યાસ સહિત ના મહાનુભાવો ની વિશેષ ઉપસ્થિત વચ્ચે યોજવામાં આવ્યો હતો.

આ પ્રસંગે ઉપસ્થિત રહેલા ગુજરાત રાજ્ય પવિત્ર યાત્રાધામ વિકાસ બોર્ડના સચિવ આર આર રાવલ તેમજ પ્રદેશ ભાજપના પૂર્વ મહામંત્રી કે સી પટેલ,જિલ્લા શિક્ષણાધિકારી અશોકભાઈ ચૌધરીએ કમલેશ ભાઈ સ્વામી ની ફરજ નિષ્ઠા સાથે સરકારી શાળામાં અભ્યાસ કરતી વિદ્યાર્થીનીઓ માટે ની સુવિધાઓ કાયૅરત કરવામાં દાતાઓ પાસેથી દાન એકત્ર કરીને કરાયેલી કામગીરી ને મુકત મને સરાહી તેઓનું નિવૃત્ત જીવન નિરોગી અને યશસ્વી બની રહે તેવી શુભેચ્છાઓ વ્યક્ત કરી હતી.શાળાના આચાર્ય ડો. દિનેશભાઈ પ્રજાપતિ એ પણ કમલેશભાઈ સ્વામી ની શાળા પરિવાર પ્રત્યે ની નિષ્ઠાને બિરદાવી હતી.

કમલેશભાઈ સ્વામીના વય નિવૃત્તિ પ્રસંગે આયોજિત કરાયેલા સન્માન-સત્કાર સમારોહ પ્રસંગે શહેરની વિવિધ સંસ્થાઓ દ્વારા તેમજ શાળા પરિવાર અને કમલેશભાઈ સ્વામીના પરિવારજનો તેમજ સમાજના આગેવાનો દ્વારા વિવિધ ભેટ સોગાદો સાથે તેઓને હૂંફાળું વિદાયમાન આપવામાં આવ્યું હતું. તો શાળા ના આચાર્ય અને સ્ટાફ પરિવાર સાથે વિદ્યાર્થીની ઓએ પણ કમલેશભાઈ સ્વામી ને મોમેન્ટો આપી ભીની આંખે તેઓના નિવૃત જીવનની શુભકામનાઓ પાઠવી હતી.

પાટણ શહેરની શ્રીમતી કેસરબાઈ કીલાચંદ સરકારી કન્યા શાળામાં 33 વર્ષ સુધી મદદનીશ સંગીત શિક્ષક તરીકે ફરજ બજાવી નિવૃત્ત થઈ રહેલા કમલેશ ભાઈ સ્વામી એ પણ સમગ્ર શાળા પરિવાર, દાતા પરિવાર અને ફરજ દરમિયાન તેઓને સહયોગી બનેલ વિવિધ સંસ્થાઓ નો હૃદયપૂર્વક આભાર વ્યક્ત કર્યો હતો.

અહેવાલ યશપાલ સ્વામી