પાટણમાં વાવ વાળી ખોડિયાર માતાજી ના મંદિર પરિસર ખાતે પ્રાગટ્ય મહોત્સવ ની ઉજવણી કરવામાં આવી.

હવન યજ્ઞ સહિત ના ધાર્મિક ઉત્સવો વચ્ચે લાયન્સ પરિવાર દ્વારા ચોખ્ખા ધી નો શિરો અને મગ ની પ્રસાદ વિતરણ કરાયું..

પાટણ તા. 29
મહા સુદ આઠમ ને રવિવાર ના પવિત્ર દિવસે માં ખોડીયાર ના પ્રાગટ્ય પવૅ ની પાટણ શહેર સહિત સમગ્ર જિલ્લા મા ભક્તિ સભર માહોલ મા વિવિધ ધાર્મિક ઉત્સવો વચ્ચે ઉજવણી કરવામાં આવી હતી.

શ્રી ખોડિયાર માતાજીના પ્રાગટ્ય પવૅ નિમિત્તે પાટણ શહેરના ભૈરવ રોડ પર આવેલા શ્રી વાવ વાળી ખોડિયાર માતાજી ના મંદિર પરિસર ખાતે હવન યજ્ઞ સહિતના ધાર્મિક ઉત્સવો નું આયોજન કરવામાં આવ્યું હતું. મંદિર પરિસર ખાતે આયોજિત નવચંડી યજ્ઞ દર્શિલ રાજેશભાઈ મોદી પરિવારે લ્હાવો લીધો હતો.

આ પ્રસંગે ઉપસ્થિત રહેલા દર્શનાર્થીઓ માટે પાટણ લાયન્સ કલબ પરિવાર દ્વારા ચોખ્ખા ધી નો શિરો અને મગ ના પ્રસાદ નું આયોજન કરવામાં આવ્યું હતું જેમાં લાયન્સ ક્લબ ઓફ પાટણ પ્રમુખ ગોપાલસિંહ રાજપુત, મંત્રી અમિસ મોદી, પૂર્વ પ્રમુખ ગૌરવ મોદી, સંજય પટેલ,ભાવેશ મોદી, કનુ મોદી, આશિષ જનસારી સહિતના સભ્યો એ ઉપસ્થિત રહી પ્રસાદ નું વિતરણ કરી મા ખોડિયાર ના આશિર્વાદ મેળવી ધન્યતા અનુભવી હતી.