પ્રજાપતિ સમાજના ઇષ્ટદેવ ભગવાન શ્રી પદ્મનાભજીના સપ્તરાત્રી મેળામાં આશીર્વાદ મેળવતા પાટણના ધારાસભ્ય..

મંદિર ટ્રસ્ટ પરિવાર અને પ્રજાપતિ સમાજ દ્વારા ધારાસભ્ય સહિત કોંગ્રેસ આગેવાનોનું સ્વાગત સન્માન કરાયું..

પાટણ તા. ૨૦
પ્રજાપતિ સમાજના ઇષ્ટદેવ ભગવાન શ્રી પદ્મનાભજીના રેવડિયા મેળા તરીકે પ્રસિદ્ધ શ્રી સપ્ત રાત્રિ મેળા અંતિમ ચરણોમાં પસાર થઇ રહ્યા છે. ત્યારે સપ્ત રાત્રી મેળા ના છઠ્ઠા મેળે પાટણના ધારાસભ્ય ડોક્ટર કિરીટ ભાઈ પટેલ જિલ્લા કોંગ્રેસ પ્રમુખ ગેમરજી દેસાઈ શહેર કોંગ્રેસ પ્રમુખ દીપકભાઈ પટેલ યંગ બ્રિગેડ પ્રમુખ ડો.અમિત પ્રજાપતિ સહિત કોંગ્રેસ આગેવાનો, કાર્યકરો એ શ્રી પદ્મનાભ મંદિર પરિસર ખાતે પધારી ભગવાન શ્રી પદ્મનાભજી ની પૂજા અર્ચના કરી આશીર્વાદ મેળવ્યા હતા

પાટણના ધારાસભ્ય સહિત કોંગ્રેસ આગેવા નોનું શ્રી પદ્મનાભ મંદિર ટ્રસ્ટ પરિવાર અને પ્રજાપતિ સમાજના આગેવાનો દ્વારા પુષ્પગુચ્છ અને ભગવાનની પ્રસાદ સ્વરૂપે ની રેવડી અર્પણ કરી સ્વાગત સન્માન કરવામાં આવ્યું હતું. પાટણના ધારાસભ્ય ડોક્ટર કિરીટ પટેલે શ્રી પદ્મનાભ મંદિર ટ્રસ્ટ પરિવાર અને પ્રજાપતિ સમાજનો આભાર વ્યક્ત કરતા જણાવ્યું હતું કે પ્રજાપતિ સમાજ હંમેશા મિલન સાર સ્વભાવનો રહ્યો છે અને પ્રજાપતિ સમાજ ના ઇષ્ટદેવ ભગવાન શ્રી પદ્મનાભજી ના આશીર્વાદ સદાય પ્રજાપતિ પરિવાર પર વરસતા રહ્યા છે ત્યારે પ્રજાપતિ સમાજને જ્યાં પણ જરૂર પડે ત્યાં તમામ પ્રકારની મદદ કરવા તેઓએ હૈયા ધારણા આપી  હતી.

અહેવાલ યશપાલ સ્વામી