વિદ્યાલયના ધોરણ 1થી 9 ના 500 થી વધુ વિદ્યાર્થીઓએ દેશભક્તિના કાર્યક્રમો રજૂ કરી વાતાવરણને દેશભક્તિના રંગે રંગ્યુ..
પાટણ તા. 15 પાટણ ના રૂની સ્થિત આવેલી ઉડાન વિદ્યાલય ખાતે 15મી ઓગસ્ટ સ્વાતંત્ર પર્વની હર્ષો ઉલ્લાસમય વાતાવરણમાં ઉજવણી કરવામાં આવી હતી.
સ્વાતંત્ર પર્વ નિમિત્તે વિદ્યાલય કેમ્પસ ખાતે સંચાલક ચેતનભાઇ બારોટ અને તેમના ધર્મ પત્ની સહિતના સ્ટાફ પરિવાર દ્વારા દેશ દુલારા રાષ્ટ્ર ધ્વજ ને લહેરાવી સમૂહમાં રાષ્ટ્રગીત સાથે ધ્વજ વંદન કરી દેશ ની આન બાન અને શાન સમા તિરંગાને સલામી આપવામાં આવી હતી.
આ પ્રસંગે વિદ્યાલયના સંચાલક ચેતનભાઇ બારોટે વિદ્યાર્થીઓમાં રાષ્ટ્રભાવના અને દેશપ્રેમ જાગૃત બને તે માટે 15 મી ઓગસ્ટ ની ઉજવણીનો સવિસ્તાર મહિમા વણૅવી બાળકોને રાષ્ટ્રપ્રેમના શપથ ગ્રહણ કરાવ્યા હતા.
ઉડાન વિદ્યાલય ખાતે આયોજિત કરાયેલા સ્વાતંત્ર પર્વની ઉજવણીના ઉપ્લક્ષમાં વિદ્યાલયના ધોરણ 1 થી 9 ના 500 થી વધુ વિદ્યાર્થીઓએ ઉપસ્થિત રહી રાષ્ટ્ર ભાવના ને અનુરૂપ દેશભક્તિ ના વિવિધ સાંસ્કૃતિક કાર્યક્રમો રજૂ કરી વાતાવરણને દેશ ભક્તિના રંગે રંગ્યુ હતું.
તો સમગ્ર વિધાલય પરિવારે બાળકોનો ઉત્સાહ વધારી સ્વાતંત્રદિન ના પવૅની ઉજવણી ને યાદગાર બનાવી હતી.
અહેવાલ યશપાલ સ્વામી
