પાટણ તા. ૨૨
આજે અયોધ્યા માં ભગવાન શ્રી રામચંદ્રજીના પુનઃ પ્રતિષ્ઠા મહોત્સવ નો ઉમંગ પાટણ પ્રજાપતિ સમાજની મહિલાઓમાં પણ જોવા મળ્યો હતો પાટણ પ્રજાપતિ સમાજની મહિલાઓ દ્વારા શ્રી પદ્મનાભ ભગવાન ના મંદિર પરિસર ખાતે રંગબેરંગી રંગોથી મર્યાદા પુરુષોત્તમ ભગવાન શ્રી રામચંદ્રજી રંગોલી નું ચિત્રાંકન કરવામાં આવ્યું હતું. અથાગ પરિશ્રમ સાથે પાટણ પ્રજાપતિ સમાજની મહિલાઓ દ્વારા તૈયાર કરાયેલ ભગવાન શ્રી રામચંદ્રજીના નયન આકર્ષણ ચિત્રાંકન ને શ્રી પદ્મનાભ ભગવાનના દર્શનાર્થે આવતા ભકતો એ સરાહના સાથે વંદન કરી ધન્યતા અનુભવી હતી.
અહેવાલ યશપાલ સ્વામી