પાટણ માર્કેટ યાર્ડમાં કાર્યરત કરાયેલા 97 સીસીટીવી કેમેરા નું ચેરમેન દ્રારા ઓપનિંગ કરાયુ…

માર્કેટ યાર્ડમાં કાર્યરત કરાયેલા સીસીટીવી કેમેરા ના કારણે માર્કેટ યાર્ડની સુરક્ષામાં વધારો થશે : ચેરમેન…

પાટણ તા. ૧૪
પાટણ માર્કેટયાર્ડ ની સુરક્ષા ને ધ્યાનમાં રાખીને માર્કેટયાર્ડ ખાતે 97 જેટલા સીસીટીવી કેમેરા લગાવવામાં આવ્યા છે. માર્કેટ યાર્ડ ખાતે લગાવેલા 97 જેટલા સીસીટીવી કેમેરાનું શુક્રવારના રોજ માર્કેટ યાર્ડના ચેરમેન સ્નેહલભાઈ પટેલ ના વરદ હસ્તે ઓપનિંગ કરવામાં આવ્યું હતું.

સીસીટીવી કેમેરા ના ઓપનિંગ બાદ ચેરમેન સ્નેહલભાઈ પટેલે જણાવ્યું હતું કે પાટણ માર્કેટ યાર્ડના વેપારીઓ, માલનું વેચાણ કરવા આવતા ખેડૂતો તેમજ અહીં મજૂરી કામ કરતા મજૂરોની સુરક્ષાને ધ્યાનમાં રાખીને માર્કેટ યાર્ડ દ્વારા આ સીસીટીવી કેમેરા કાર્યરત બનાવવામાં આવ્યા છે. માર્કેટ યાર્ડમાં કાર્યરત બનેલા સીસીટીવી કેમેરાના કારણે માર્કેટ યાર્ડ ની સુરક્ષામાં વધારો થશે.

પાટણ માર્કેટ યાર્ડમાં શુક્રવારે ઓપનિંગ કરાયેલા 97 સીસીટીવી કેમેરાના કાર્યક્રમમાં માર્કેટ યાર્ડના ચેરમેન સ્નેહલ ભાઈ પટેલ, વાઇસ ચેરમેન જયંતીભાઈ પટેલ, સેક્રેટરી ઉમેદભાઈ ચૌધરી સહિત માર્કેટયાર્ડ કમિટી ના સદસ્યો, એસોસિએશનના પદાધિકારીઓ, સ્ટાફ પરિવાર તેમજ માર્કેટ યાર્ડના વેપારીઓ, ખેડૂતો ઉપસ્થિત રહ્યા હતા.

અહેવાલ યશપાલ સ્વામી