ધારપુર મેડિકલ કોલેજ ના પ્રથમ વષૅ ના વિધાર્થી ને સિનિયર વિધાર્થી દ્રારા હેરાન કરાતા હોવાનો મામલો ડીન સુધી પહોંચ્યા..

હોસ્ટેલ માં ફરજ બજાવતા ગાડૅ અને સિક્યુરિટીની બેદરકારીને લઈ તાત્કાલિક અસરથી બન્ને ફરજ મૌકુફ કરાયા..

સિનિયર અને જુનિયર વિદ્યાર્થીઓ વચ્ચે સમાધાન થતાં મામલો શાંત પડ્યો. .

પાટણ તા. 15 ધારપુર મેડિકલ કોલેજમાં અભ્યાસ કરતા પ્રથમ વર્ષના એક વિદ્યાર્થીને અંતિમ વર્ષના વિદ્યાર્થીઓ દ્વારા કોઈ કારણસર હેરાનગતિ કરવામાં આવતી હોવાના મામલે વિદ્યાર્થીના વાલીએ કેટલાક માણસો સાથે હોસ્ટેલ માં આવી રાત્રી દરમિયાન અંતિમ વર્ષના વિદ્યાર્થીઓને અભદ્ર ભાષામાં ધમકી આપી હોવાના મામલે શુક્રવારે વિદ્યાર્થીઓ દ્વારા હોસ્ટેલમાં સુરક્ષા ઊભી કરવા તેમજ વાલી દ્વારા સિનિયર વિધાર્થીઓએ સાથે કરાયેલી દાદાગીરીની ઘટના મામલે યોગ્ય કાર્યવાહી કરવામાં આવે તેવી માંગ સાથે મેડિકલ કોલેજના ડીનની ઓફિસ બહાર ભારે હોબાળો મચાવ્યો હતો.

આ મામલે મેડિકલ કોલેજ ના ડીન દ્વારાવિદ્યાર્થીઓની માંગ મુજબ તાત્કાલિક ઘટના મામલે તપાસ કરવા એક કમિટીની રચના કરવામાં આવી હતી. તેમજ સુરક્ષાની બાબતમાં બેદરકારી દાખવનાર હોસ્ટેલના સિક્યુરિટી ગાડૅ તેમજ સુપર વાઇઝર બંનેને તાત્કાલિક અસરથી ફરજ મોકૂફ કરવામાં આવ્યા હતા. જોકે આ સમગ્ર મામલે સિનિયર અને જુનિયર વિધાર્થીઓ વચ્ચે સમાધાન થતાં આખરે મામલો શાંત પડ્યો હતો.

અહેવાલ યશપાલ સ્વામી