પરિવારના સભ્યો સહિત સગા સંબંધી અને સ્નેહી મિત્રોએ ઉપસ્થિત રહી દશૅન પ્રસાદનો લાભ લઈ ધન્યતા અનુભવી..
પાટણ તા. 16 પાટણ શહેરના માટીના રમકડાના કસબી સ્વર્ગસ્થ ભોગીલાલ ચીમનલાલ ઓતિયા પરિવારના અલકાબેન જીતેન્દ્ર કુમાર ઓતિયા પરિવાર દ્વારા શ્રાવણ વદ અમાસને શુક્રવારના પવિત્ર દિવસે પાટણ શહેરના પ્રસિદ્ધ એવા વૈજનાથ મહાદેવ મંદિર પરિસર ખાતે શ્રાવણ માસની પુર્ણાહુતિ નિમિત્તે હવન યજ્ઞનું આયોજન કરવામાં આવ્યું હતું.
આ યજ્ઞમાં અલકાબેન જીતેન્દ્રકુમાર ઓતિયા તેમજ તેમના સુપુત્ર રાહુલ પુત્ર વધૂ અંજલી અને તેમની ચિ.પ્રિશા એ બિરાજમાન બની વિધિ સંપન્ન કરાવી હતી. હવન નિમિત્તે શહેરના પંચમુખી હનુમાનજી મંદિર પરિસર ખાતે આયોજિત સમૂહ પ્રસાદમાં સ્વર્ગસ્થ ભોગીલાલ ચીમનલાલ ઓતીયા પરિવારના કુટુંબીજનો, સગા સંબંધી અને સ્નેહી મિત્રોએ ઉપસ્થિત રહી દશૅન પ્રસાદનો લાભ લઈ ધન્યતા અનુભવી હતી.
અહેવાલ યશપાલ સ્વામી
