મહેસાણા અને પાટણની બેઠક સહિત ગુજરાતની 26 એ 26 બેઠક પર ભાજપનો ભગવો લહરાશે : મનોજ પટેલ
પાટણ તા. ૨૫
મહેસાણા લોકસભાની બેઠક પર ભારતીય જનતા પાર્ટીના ઉમેદવાર તરીકે હરિભાઈ પટેલને જાહેર કરાતા મહેસાણા સહિત પાટણ જિલ્લાના ભારતીય જનતા પાર્ટીના કાર્યકર્તાઓમાં આનંદ અને ઉમંગ છવાયો છે.
ત્યારે મંગળવારના રોજ ભારતીય જનતા પાર્ટીના આગેવાન અને પાટણ શહેર ભારતીય જનતા પાર્ટીના પૂર્વ પ્રમુખ તેમજ પાટણ નગરપાલિકાના નગરસેવક મનોજભાઈ પટેલ ની આગેવાની હેઠળ પાલિકા ના કારોબારી ચેરમેન મુકેશભાઈ પટેલ, પાલિકા ઉપપ્રમુખ હીના બેન શાહ, પૂર્વ ઉપપ્રમુખ ધર્મેશ પ્રજાપતિ, પાટણ નગર પાલિકા ના દંડક મનોજભાઈ પટેલ,નગર સેવક બીપીનભાઈ સોલંકી, રમેશભાઈ પટેલ, ભાજપ મહિલા મોરચાના મંત્રી સાધનાબેન પરમાર,
રોહિત પટેલ સહિત ભાજપના આગેવાનો કાર્યકર્તા ઓ અને નગર પાલિકા ના કોર્પોરેટરો સહિત મોટી સંખ્યામાં પાટણના પ્રબુદ્ધ નગરજનોની ઉપસ્થિતિ વચ્ચે શહેર ના બગવાડા દરવાજા ખાતે ફટાકડાની આતશબાજી કરી હરિભાઈ પટેલ ના વિજય ની કામના સાથે ગુજરાતની 26 એ 26 બેઠક ભારતીય જનતા પાર્ટી વિજય બને છે તેવા થઈ ઘોષ કરી સમગ્ર વાતાવરણને કેસરિયા રંગે રંગ્યુ હતું.
અહેવાલ યશપાલ સ્વામી
