પાટણના ૧૩૫ પાટણવાડા વણકર સમાજ પંચ દ્વારા કુરિવાજો અને ખોટા ખર્ચ બંધ કરવાના બંધારણને સ્વિકૃતિ મળી..

નવીન બંધારણનો તા.૧ જુનથી અમલ કરવાના નિર્ણય કરાયો..

પાટણ તા. ૨૮
પાટણના હાંસાપુર સ્થિત વણકર સમાજ ભવન વાડી ખાતે ૧૩૫ પાટણવાડા વણકર સમાજ પંચ દ્રારા મુખ્ય બે ભાગ ની સંયુક્ત એકતા કરી સમાજ ના નીતી નિયમ બનાવવામા આવેલ તેમાં સમાજ માં ખોટા ખર્ચા બંધ કરવામાં આવેલ છે તેમજ કુરિવાજો ને પણ તિલાંજલિ આપવામાં આવી છે તો મરણ પ્રસંગ મા પણ એક દિવસ નું બેસણું કરેલ છે.

આલમેલ પણ રોકડ માં કરી દરેક છેવાડા ના વ્યક્તિ ને ઘ્યાન માં રાખી ને બનાવેલ છે. તે નવીન સંયુક્ત બંધારણ પત્રિકા છપાવીને શનિવાર ના રોજ વણકર સમાજ વાડી ખાતે વિતરણ કરવામાં આવ્યું હતુ. સમગ્ર ૧૩૫ વણકર સમાજના અગ્રણીઓ અને યુવાનોએ ખૂબ જ મોટી સંખ્યામાં હાજર રહી હર્ષોલ્લાસ સાથે બંધારણ સ્વીકારેલ છે. ૧૩૫ પાટણવાડા વણકર સમાજ ના અકબંધ તમામ ગામો ના વ્યક્તીઓ હાજર રહ્યા હતાં.

બંધારણ બનાવવામાં ૧૩૫ પાટણવાડા વણકર સમાજ અગ્રણી મોતીભાઈ, રમેશભાઈ મકવાણા નું મહત્વ નુ યોગદાન હોય સમગ્ર ૧૩૫ પાટણવાડા વણકર પંચ પરગણા દ્વારા તેમને અભિનંદન પાઠવી તેઓનું સન્માન કરવામાં આવ્યું હતુ.

૧૩૫ પાટણવાડા વણકર સમાજ ના આગેવાન પ્રભુદાસ સંડેર દ્વારા જણાવાયું હતું કે વર્ષોથી ૧૩૫ પાટણ વાડા વણકર સમાજ પંચ પરગણું બે ભાગમાં વહેંચાયેલું હતું જે બે ભાગ મોતી ભાઈ અને રમેશ ભાઈ મકવાણા આગેવાનોના પ્રયત્નોથી એકતા કરી અને આજે અમે ૧૩૫ અકબંધ ગામ એ નવીન સંયુક્ત બંધારણ ની અમે વહેંચણી કરી છે

તે ક્રાંતિકારી બંધારણ હાલના જમાનાની અંદર હાલના સંજોગોમાં જે યોગ્ય લાગે નાના થી નાના અને મોટા માણસને લક્ષમાં રાખીને અમે આ બંધારણ બનાવ્યું છે અને આ બંધારણ ૧૩૫ પાટણવાડા વણકર સમાજ દ્રારા તારીખ ૧ જુન થી અમલ કરાશે.

અહેવાલ યશપાલ શ્યામી