પાટણ લોકસભાની ચૂંટણીના ઇવીએમ અને વિવિપીએટ મશીનો કતપુર એન્જિનિયરિંગ કોલેજના સ્ટોંગ રૂમમાં સીલ કરાયા..

મુખ્ય જિલ્લા ચૂંટણી અધિકારી,ઓબ્ઝર્વરો અને અધિકારીની ટીમે સ્ટ્રોંગ રૂમ ની મુલાકાત લીધી..

પાટણ તા. ૮
પાટણ લોકસભા બેઠક માટે મંગળવારના રોજ મતદાન યોજાયુ હતું. જેમાં કુલ 58.37ટકા મતદાન નોંધાયુ હતુ. મતદાન બાદ તમામ ઇવીએમ અને વીવીપીએટ મશીનોને પાટણની કતપુર એન્જીનીયરીંગ કોલેજ ખાતે બનાવવામાં આવેલ સ્ટ્રોંગ રૂમ ખાતે લાવવામાં આવ્યા છે. અને ત્યાં સઘન સુરક્ષા વ્યવસ્થા ગોઠવવા માં આવી છે.

ગતરોજ પાટણ લોકસભા બેઠક માટે સાત વિધાનસભા મત વિસ્તારના 2073 મતદાન મથકો ઉપર શાંતિ પુર્ણ રીતે મતદાનની કાર્યવાહી પુર્ણ થઇ હતી. મતદાન બાદ તમામ ઇવીએમ મશીનો અને વીવીપી એટ મશીનોને સીલ કરીને અલગ અલગ રીસીવીંગ સેન્ટર ખાતે લાવવામાં આવ્યા હતા. જયાં લાવ્યા બાદ તેની ગણતરી કરીને પાટણ નજીક આવેલ કતપુર એન્જીનીયરીંગ કોલેજ ખાતે બનાવવામાં આવેલા સ્ટ્રોંગ રુમ ખાતે લાવવામાં આવ્યા હતા.જે ઈવીએમ અને વીવીપએટ મશીનો સ્ટ્રોંગ રૂમમાં ગોઠવવાની કામ ગીરી વહેલી સવાર સુધી ચાલી હોવાનું ફરજ પરના સૂત્રોએ જણાવ્યું હતું.

તો સ્ટ્રોંગરુમની સુરક્ષા માટે સીસીટીવી કેમેરા અને પોલિસ કર્મચારીઓ અને પીએસઆઇ અને પેરામી લીટ્રી ફોર્સની સઘન સુરક્ષા વ્યવસ્થા ગોઠવવામાં આવી છે. આજરોજ જિલ્લા ચુંટણી અધિકારી અરવિંદ વિજયન , ઓબ્ઝર્વર સહિત અન્ય અધિકારીઓએ સ્ટ્રોંગ રુમની મુલાકાત લીધી હતી. આગામી 4 જૂનના રોજ એન્જીનીયરીંગ કોલેજ ખાતે મતગણતરીની કાર્યવાહી હાથ ધરવામાં આવશે.

અહેવાલ યશપાલ શ્યામી