ભગવાન શ્રી પદ્મનાભજીના સાનિધ્યમાં રાત્રે ભજન ભક્તિના કાર્યક્રમમાં માનવ મહેરામણ ઉમટયુ…
પાટણ તા. ૧૮
પાટણ પ્રજાપતિ સમાજ ના ઇષ્ટદેવ શ્રી પદ્મનાભ ભગવાનના સાનિધ્યમાં પીપળીધામના પરમ પૂજ્ય મહંત શ્રી વાસુદેવજી મહારાજ ની વિશેષ ઉપસ્થિતિમાં ધાર્મિક પ્રસંગની ઉજવણી ભક્તિ સભર માહોલમાં અને વિશાળ ભક્ત સમુદાયની ઉપસ્થિતિ વચ્ચે કરવામાં આવી હતી.
પાટણ ખાતે રહેતા અને પીપળીધામના સવારામ ભગતના ખાસ અનુયાયી વસંતભાઈ બળવંતભાઈ પ્રજાપતિ પરિવાર અને મહેશકુમાર વસંતભાઈ પ્રજાપતિ પરિવાર ના નિમંત્રણ ને માન આપીને પાટણ પ્રજાપતિ સમાજના ઇષ્ટદેવ ભગવાન શ્રી પદ્મનાભજીના સાનિધ્યમાં પધારેલ પીપળીધામ ના મહંતશ્રી વાસુદેવમહારાજ ના પાવન પગલા થતાં નિમંત્રણ પાઠવનાર પરિવાર સહિત પાટણ પ્રજાપતિ સમાજ દ્વારા તેઓનું ઉષ્માભર્યું સ્વાગત સન્માન કરી આવકારવામાં આવ્યા હતા.
શ્રી પદ્મનાભ ભગવાનના સાનિધ્યમાં રાત્રે પરમ પૂજ્ય મહંત શ્રી વાસુદેવજી મહારાજ ની ઉપસ્થિતિ વચ્ચે ભજન ભક્તિના કાર્યક્રમો પણ યોજવામાં આવ્યા હતા જેમાં મોટી સંખ્યામાં પીપળીધામના ભક્તો સહિત પાટણ પ્રજાપતિ સમાજના પરિવારજનો સાથે અઢારે વર્ણના લોકોએ ઉપસ્થિત રહી આ ભજન ભક્તિનો લ્હાવો લઈ સંત ના આશીર્વાદ સાથે ધન્યતા અનુભવી હતી.
પાટણના શ્રી પદ્મનાભ ભગવાનના મંદિર પરિસર ખાતે પધારેલા પીપળીધામના સંત શ્રી વાસુદેવજી મહારાજનું પાટણ ના શ્રી બલિયા હનુમાન ટ્રસ્ટના મહંત શ્રી હરિદાસ બાપુ એ ધાર્મિક પુસ્તક અર્પણ કરીને અભિવાદન કર્યું હતું.
અહેવાલ યશપાલ શ્યામી
