પાટણના છીડીયા દરવાજા સમીપ આવેલા શ્રી અંબાજી માતાના મંદિર પરિસર ખાતે યજમાન પરિવારે ચાંદી નો મુગટ અપૅણ કર્યો…

પાટણ તા. ૨૭
પાટણ શહેરના ઐતિહાસિક છીંડીયા દરવાજા સમીપ આવેલ પ્રાચીન શકિતપીઠ અંબાજી મંદિર ખાતે યજમાન પરીવાર દ્વારા કુળદેવી અંબાજી માતાને ચાંદીનો મુગટ અર્પણ કરવામાં આવ્યો હતો.

પાટણ શહેર ના છીંડીયા દરવાજા બહાર ઓમ ડુપ્લેક્ષ ખાતે રહેતા શૈલેષભાઈ ભીખાભાઈ એડવોકેટ પરીવાર ના નિવાસ સ્થાનેથી તેમના સ્વર્ગસ્થ માતાની ઇચ્છા પૂર્ણ કરવા કુળદેવી અંબાજી માતાને ચાંદીનો મુગટ અર્પણ કરવાની વિધીને સોમવારે પુનમના પવિત્ર દિવસે પૂર્ણ કરી હતી.

વહેલી સવારે યજમાનના નિવાસ સ્થાનેથી મૈયાના ચાંદીના મુગટ સાથે મૈયાના શૃંગારની વિવિધ ભેટ સોગાદો મહિલાઓએ મસ્તક પર ધારણ કરી વાજતે ગાજતે શોભયાત્રા સ્વરૂપે શકિતપીઠ અંબાજી ખાતે આવી પહોંચ્યા હતા. જયાં યજમાન પરીવારના સભ્યો દ્વારા અંબાજી માતાને ચાંદીનો મુગટ સહિત ભેટ સોગાદો અને શૃંગાર મૈયાને અર્પણ કરવામાં આવ્યા હતા.

કાતિર્કી પૂનમના પવિત્ર દિવસે શકિતપીઠ અંબાજી મંદિર ખાતે યજમાન પરીવારે પોતાની માતાની ઇચ્છાને પૂર્ણ કરી મૈયાના આર્શીવાદ મેળવી ધન્યતા અનુભવી હતી.

અહેવાલ યશપાલ સ્વામી