પાટણ માર્કેટયાર્ડમાં પ્લોટ નંબર 32 અને 34 ના વેપારી મિત્રો દ્વારા ઠંડી છાશનું વિતરણ શરૂ કરાયું..

માર્કેટ યાર્ડના ચેરમેનની અપીલને વેપારી મિત્રોએ અનુસરી છાશની સેવા શરૂ કરાતા સૌએ સરાહનીય લેખાવી.

પાટણ તા. ૨૭
છેલ્લા એક સપ્તાહથી પાટણ શહેર અને જિલ્લામાં ગરમીના પ્રકોપને લઈને લોકો ત્રાહિમામ પોકારી ઉઠ્યા છે. ત્યારે પાટણ માર્કેટ યાર્ડમાં માલના વેચાણથી આવતા ખેડૂત ભાઈઓ તેમજ માર્કેટ યાર્ડમાં મજૂરી કામ કરતા મજૂર વર્ગના લોકો સહિત અન્ય લોકો માટે ઉનાળાની ગરમીમાં રાહત આપતા ઠંડી છાશની વિતરણ નું સેવા કાર્ય એપીએમસીના ચેરમેન સ્નેહલભાઈ પટેલ ની વિનંતી થી પ્લોટ નંબર 32 અને 34 ના વેપારી મિત્રો દ્વારા કરવામાં આવ્યું છે.

માર્કેટ યાર્ડમાં આવનાર ખેડૂત ભાઈઓ તેમજ હમાલ ભાઈઓ સહિતના લોકો માટે શરૂ કરવામાં આવેલ મફત ઠંડી છાશ નું વિતરણ ઉનાળાની બળબળતી ગરમીમાં આશીર્વાદરૂપ બની રહ્યું છે. લોકો પણ આ ઠંડી છાશની સેવાનો લાભ લઇ પ્લોટ નંબર 32 અને 34 ના વેપારી મિત્રો અને માર્કેટ યાર્ડના ચેરમેનની સેવા ભાવનાને સરાહનીય લેખાવી રહ્યા છે.

અહેવાલ યશપાલ સ્વામી