શિવભક્તો દ્રારા જુદા જુદા પ્રકારના 200 થી વધુ વૃક્ષોનું વાવેતર કરી તેના જતન માટે સંકલ્પ ગ્રહણ કરાયા..
પાટણ તા. 7
પાટણ પ્રજાપતિ સમાજના ઇષ્ટદેવ ભગવાન શ્રી પદ્મનાભજીની વાડી પરિસરમાં બિરાજમાન ભગવાન શ્રી ગોપેશ્વર મહાદેવ ના મંદિર પરિસર નું હાલમાં શિવભક્તો અને દાતા પરિવારના સહયોગ થી જીર્ણોદ્ધાર ની કામગીરી હાથ ધરવામાં આવી છે. ત્યારે અષાઢી બીજના પવિત્ર દિવસે શિવ મંદિર પરિસર ની આજુ બાજુ સહિત સમગ્ર પદ્મનાભ વાડી પરિસરમાં શિવ ભક્તો દ્વારા એક વૃક્ષ મા કે નામ કાર્યક્રમ અંતર્ગત વૃક્ષારોપણ નો કાર્યક્રમ આયોજિત કરવામાં આવ્યો હતો.
આ વૃક્ષારોપણ કાર્યક્રમ અંતર્ગત શિવ ભક્તો દ્વારા વિવિધ પ્રકારના 200 થી વધુ વૃક્ષોનું વાવેતર કરી તેના જતન માટે સંકલ્પ ગ્રહણ કરાયા હતા. ભગવાન શ્રી પદ્મનાભજી ની વાડી પરિસર સહિત શિવ મંદિર પરિસર ની આજુબાજુ કરવામાં આવેલ વૃક્ષારોપણ કાર્યક્રમની સમાજના સૌએ સરાહના કરી હતી.
અહેવાલ યશપાલ સ્વામી
