સ્વામી પરિવારના કુળદેવી શ્રી સમોરા માતાજીની જન્મ જયંતી પ્રસંગની ઉજવણી ના ઉપલક્ષ્યમાં પરિવારના સભ્યોની બેઠક મળી..

પોપટલાલ ઉજમશી સ્વામી પરિવાર માતાજી ની પાલખીયાત્રા અને હવન યજ્ઞ ના યજમાન પદે બિરાજશે..

પાટણ તા. ૨૯
સ્વામી પરિવારના કુળદેવી શ્રી સમોરા માતાજી ની આગામી તા.૧૧ ઓગસ્ટ ને રવિવારે જન્મ જયંતી પ્રસંગની ઉજવણી ભક્તિ સભર માહોલમાં કરવામાં આવનાર છે ત્યારે કુળદેવી માતાજીના જન્મ જયંતી પવૅની ઉજવણીના આયોજન માટે રવિવારે સ્વામી પરિવારના સભ્યોની મોટી ભાટીયાવાડ ખાતે બેઠક મળી હતી.

કુળદેવી માતાજીના જન્મ જયંતીની ચાલુ સાલે નીકળનારી માતાજીની પાલખી યાત્રા અને શ્રી પદ્મનાભ ભગવાન ના સાનિધ્યમાં આયોજિત માતાજીના હવન-યજ્ઞના યજમાન પદે પોપટલાલ ઉજમશી સ્વામી પરિવારે લ્હાવો પ્રાપ્ત કર્યો છે.

માતાજીના જન્મ જયંતી ના દિવસે સવારે 7-00 કલાકે યજમાન પરિવારના ઝીણીરેત ખાતેના નિવાસ સ્થાને થી માતાજીની પુજા – અચૅના અને આરતી સાથે ભક્તિ સંગીત ના સુરો વચ્ચે પાલખી યાત્રા પ્રસ્થાન પામી મોટી ભાટીયાવાડ, નિલમ સિનેમા, બુકડી, મીરા દરવાજા થઈ ને સવારે 10-00 કલાકે શ્રી પદ્મનાભ મંદિર ખાતે સંપન્ન બનશે.

ત્યારબાદ ભગવાન શ્રી પદ્મનાભ ના સાનિધ્યમાં શ્રી કુળદેવી માતાજીનો એક કુડી યજ્ઞ નો પ્રારંભ કરાશે. યજ્ઞની શાસ્ત્રોકત વિધિ સમાજના નાતગોર જયેશ ભાઈ પંડયા સહિત ના ભૂદેવો દ્રારા કરવામાંઆવશે. યજ્ઞની પૂણૉહૂતિ સાજે 5-00 કલાકે શ્રીફળ હોમી કરાયા બાદ સ્વામી પરિવારના સૌ સભ્યો સમૂહમાં માતાજીનો પ્રસાદ ગ્રહણ કરી ધન્યતા અનુભવશે.

સ્વામી પરિવારના કુળદેવી શ્રી સમોરા માતાજીનો જન્મ જયંતી પ્રસંગ ભવ્યાતિ ભવ્ય રીતે ઉજવાઈ તેના આયોજનની ચર્ચા-વિચારણા કરવા તા. 28 મી જુલાઈને રવિ વારના રોજ રાત્રે 9:00 કલાકે સ્વામી પરિવારના સભ્યોની મળેલી મહત્વની બેઠક માં સ્વામી પરિવારના પ્રમુખ યશપાલ સ્વામી, મંત્રી નિલેશ સ્વામી, શાંતિભાઈ સ્વામી, કમલેશ ભાઈ સ્વામી, કલ્પેશ સ્વામી, દેવાભાઈ સ્વામી, ધનાભાઈ સ્વામી, કનુભાઈ સ્વામી સહિત માતાજી ની પાલખી યાત્રા અને હવન યજ્ઞ ના યજમાન પરિવારના સભ્યોએ ઉપસ્થિત રહી કુળદેવી માતાજીના જન્મ જયંતી પ્રસંગ ને યાદગાર રીતે ઉજવવા તૈયારીઓ હાથ ધરી હતી.

અહેવાલ યશપાલ સ્વામી