પાટણ શહેર સહિત સમગ્ર જિલ્લામાં નાગ પંચમીના પર્વને ભક્તિસભર માહોલમાં ઉજવણી કરાઈ..

તિથિની અવઢવ ને લઇ કેટલાક ગોગા મહારાજના મંદિરોમાં શનિવારે નાગ પંચમીની ઉજવણી કરાશે.

પાટણ તા. ૨૩
પવિત્ર શ્રાવણ માસમાં પુજા અચૅના સાથે ધાર્મિક ઉત્સવોની પાટણના ધર્મપ્રેમી નગરજનો દ્રારા ભક્તિમય માહોલ વચ્ચે કરવામાં આવતી હોય છે. ત્યારે શુક્રવાર ને નાગ પંચમીના પર્વ નિમીતે પાટણ શહેરના વિવિધ ગોગા મહારાજના મંદિર પરિસર ખાતે નાગ પાંચમીના પવૅ ની ઉજવણી કરવામાં આવી હતી .

પાટણ શહેરના પ્રાચીન ત્રણ દરવાજા ખાતે આવેલ ત્રિપોરિયા ગોગા મહારાજ મંદિરે ગોગા મહારાજ નો હવન યોજાયો હતો, શહેરના પંચાસર જૈન દેરાસર પાસે આવેલ અતિપ્રાચીન ગોગા મહારાજને વર્ષમાં એકજ વાર મંદિરની બહાર લાવવામાં આવતાં હોય વહેલી સવારથી જ ભકતોની ભીડ દશૅન માટે જામી હતી. આમ પાટણ શહેરમાં નાગ પાંચમી ની ભક્તિમય માહોલ માં ઉજવણી કરવામાં આવી હતી.

નાગપંચમી ના ધાર્મિક પ્રસંગને લઈ ગોગા મહારાજ ને પ્રસાદ સ્વરૂપે બાજરીના લોટ માંથી તૈયાર કરાયેલ ચોખા ઘી ની કુલેર, શ્રીફળ અને માતાર ની થાળી નો ભોગ ધરાવવા આવ્યો હતો ગોગા મહારાજ ની પુજા અર્ચના અને મહા આરતી કરવામાં આવી હતી.

પાટણ જિલ્લાના તાલુકા મથક ચાણસ્મા શહેરના જૂના રબારીવાસમાં આવેલા 1200 વર્ષ પ્રાચીન શેષનારાયણ ગોગા મહારાજના મંદિરે શનિવારે નાગપાંચમ મહોત્સવ ઉજવાશે. તો ચાણસ્મા, હારિજ, પાટણ બહુચરાજી પંથક માંથી ભાવિકો શ્રીફળ-કુલેર લઇ દાદાને પ્રસાદ ધરાવવા ઉમટી પડશે તેવું ભુવાજી મહેન્દ્ર ભાઈ અમથાભાઈ દેસાઈએ જણાવ્યું હતું.

નાગપંચમીના પવિત્ર દિવસે ગોગા બાપાને વિશેષ અભિષેક કરાશે.10 વાગે ધ્વજા રોહણ કરાશે. 11 વાગે ભક્તો માટે પ્રસાદનું આયોજન ગોગામહારાજ પરિવાર દ્વારા કરાયું છે. આ ધાર્મિક અવસરે લઘુરૂદ્ર યજ્ઞનું પણ આયોજન કરાયું છે.પાટણના કમલી વાડા ખાતે શ્રી ગોગા મહારાજ ધામે નાગપંચમી મહોત્સવનું ભવ્ય આયોજન કરવામાં આવ્યું છે નાગપંચમીના શુભ દિવસે શ્રી ગોગા મહારાજની ધ્વજા આરોહણ તથા શ્રી ગોગા મહારાજવાડીનું ઉદઘાટન સમારોહનું આયોજન કરવામાં આવ્યું છે.

આ પ્રસંગે આયોજીત અન્ય ધાર્મિક કાર્યક્રમોમાં સવારના 9 કલાકે શ્રી ગોગા મહારાજવાડીનું રબારી સમાજના ધર્મગુરુ ગાદી શ્રી વાળીનાથ મહાદેવ શિવ ધામના પ.પૂ.મહંત શ્રી જયરામ ગીરીબાપુ તથા પીરાણા ધામ રબારી સમાજ ગુરુગાદીના પ.પૂ. મહંત શ્રી પ્રભાતકાકાના વરદ્ હસ્તે કરવામાં આવશે. સવારે 11 કલાકે શ્રીગોગા મહારાજના મંદિર ઘુમ્મટ પર દિવ્ય ધ્વજા આરોહણ કરી નાગપંચમી ના પવૅ ની ઉજવણી કરવામાં આવનાર છે.

અહેવાલ યશપાલ સ્વામી