પાટણ તા. ૨૩
પાટણ નગરપાલિકાનાં ૨૧મા ચીફ ઓફિસર તરીકે હવાલો સંભાળનારા અલ્પેશ પટેલની પાલિકા નાં પદાધિકારીઓ અને સભ્યોએ શુભેચ્છા મુલાકાત લઇને તેમનું સ્વાગત કર્યું હતું. પાનપાનાં કારોબારી ચેરમેન મુકેશભાઈ પટેલ, ઉપપ્રમુખ હિનાબેન શાહની આગેવાની માં સભ્યોએ નવા સીઓને આવકાર્યા હતા. તેઓએ નવા સીઓ સાથે વહીવટી કામકાજની ચર્ચા કરી હતી.
જેમા ચોમાસામાં વરસાદથી શહેરમાં પડેલા ખાડાઓનું દિવાળીનાં પર્વો પૂર્વે પેચવર્ક થાય તે માટે મંજૂર થયેલા કામને નિયુક્ત એજન્સીને વર્ક ઓર્ડર ઝડપથી આપી દેવામાં આવે તો આ ખાડા ઝડપથી પૂરાઈ જાય અને દિવાળીના પવૅ મા નગરપાલિકાની કામગીરી શોભી ઉઠે. આ શુભેચ્છા મુલાકાત પ્રસંગે નગર સેવક મનોજ કે. પટેલ, મનોજ એન. પટેલ, મહેશ ભાઈ પટેલ, બિપીનભાઈ પરમાર ખાસ ઉપસ્થિત રહ્યા હતાં.
અહેવાલ યશપાલ સ્વામી
