પાલિકા પ્રમુખ દ્વારા રાષ્ટ્રધ્વજને લહેરાવી સલામી આપી..
પાટણ શહેરને સ્વચ્છ અને રળિયામણું શહેર બનાવવાની ખેવના વ્યકત કરાઈ..
પાટણ તા. 26
પાટણ શહેરમાં 74 મા પ્રજાસત્તાક પર્વની હષોર્લ્લાસમય વાતાવરણ માં ઉજવણી કરવામાં આવી હતી ત્યારે પાટણ નગર પાલિકા દ્વારા શહેર ના આનંદ સરોવર પાસે 74 માં પ્રજાસત્તાક પર્વની ઉજવણી કરાઈ હતી.
તા.26 મી જાન્યુઆરીને 74 માં પ્રજાસત્તાક પર્વ નિમિત્તે પાટણ નગર પાલિકા ના પ્રમુખ સ્મિતાબેન પટેલે દેશની આન બાન અને શાન સમા તિરંગા ને લહેરાવી સલામી આપી હતી અને પાટણના વિકાસ કામોની સાથે સાથે પાટણને સ્વચ્છ અને રળિયામણુ શહેર બનાવવાની ખેવના વ્યકત કરી ઉપસ્થિત સૌને પ્રજાસત્તાક પર્વ ની શુભેચ્છાઓ પાઠવી હતી
.
પાટણ નગર પાલિકા દ્વારા આયોજિત ધ્વજ વંદન કાર્યક્રમ પ્રસંગે પાટણ નગર પાલિકા ના નગર સેવકો, અધિકારીઓ, કમૅચારી સહિત મોટી સંખ્યામાં પાટણના પ્રબુદ્ધ નગરજનો એ ઉપસ્થિત રહી રાષ્ટ્રધ્વજને સલામી આપી હતી.
