પાટણ તા.17
પાટણ-મહેસાણા રેલ્વે લાઇન ઉપર પાટણ તાલુકાનાં સંખારી નજીક બોરસણ ફાટકથી પસાર થતી રેલવે નીચે એક યુવાન કપાતા અરેરાટી વ્યાપી જવા પામી હતી. બનાવની મળતી હકીકત મુજબ પાટણ મહેસાણા રેલવે લાઈન પર બોરસણ ફાટક પાસે ના સીમમાં રેલ્વે ટ્રેક ઉપર ગતરોજ મોડી રાત્રે એક વ્યક્તિ અગમ્ય કારણોસર ટ્રેનની નીચે આવી જતાં તે કપાઇ મોતને ભેટ્યો હતો.રેલવે નીચે કપાયેલ યુવાન વનરાજ અરજણજી ઠાકોર રે. નોરતા વાળો અને તે અસ્થિર મગજનો હોવાનું મૃતકના પિતા અરજણજી જશવંતજી ઠાકોરે પોલીસ ને જણાવતા પોલીસે અકસ્માતે મોત નો ગુનો નોંધી આગળની કાર્યવાહી હાથ ધરી હતી.
