પાટણ તા. 8
પાટણ શહેરના ટેલીફોન એક્સચેન્જ રોડ પર આવેલા ત્રિભુવન પાર્ક સોસાયટી ખાતેના બીએપીએસ સ્વામિ
નારાયણ મંદિર દ્વારા આવતીકાલે રવિવારના રોજ સાંજે 5:30 થી 7:30 કલાકના સમય દરમિયાન એલ ડી કોલેજ અમદાવાદના સંસ્કૃત વિભાગના અધ્યક્ષ અને વિદ્યાર્થી જીવનમાં 6 સુવર્ણ ચંદ્રક વિજેતા, 1987 મા રાષ્ટ્રપતિ દ્વારા સન્માનિત તેમજ 31 દેશો નું પરિભ્રમણ કરનારા વક્તા ડો. ગજેન્દ્ર પંડા દ્વારા 21 મી સદી નું અભિનવ ભાષ્ય વિષય પર માગૅદશૅન આપવાનો કાર્યક્રમ આયોજિત કરવામાં આવ્યો છે.
બીએપીએસ સ્વામિનારાયણ મંદિર પાટણ ખાતે આયોજિત કરાયેલા આ કાર્યક્રમનો પાટણના પ્રબુદ્ધ નગરજનોએ લાભ લેવા બીએપીએસ સ્વામિ નારાયણ મંદિર ના સંતવયૅ પરમ પૂજ્ય શ્રી ઉત્તમ સ્વામી દ્વારા જણાવવામાં આવ્યું છે.
