પાટણના બાલીસણા ગામે એકી સાથે 20 કેસો કમળાના નોંધાતા આરોગ્યતંત્રમાં હડકંપ મચી..

બાલીસણા પ્રાથમિક આરોગ્ય કેન્દ્રની મુલાકાત લેતા જિલ્લા વિકાસ અધિકારી..

પાટણ તા. 11
બાલીસણા પ્રાથમિક આરોગ્ય કેન્દ્ર ખાતે જિલ્લા વિકાસ અધિકારી ડી.એમ સોલંકી એ મંગળવારના રોજ મુલાકાત લીધી.જેમા બાલીસણા ગામે મુસ્લિમ વિસ્તારમાં કમળા ના રોગ ના અંદાજીત ૨૦ જેટલા પોઝીટીવ કેસ આવતા આરોગ્ય વિભાગ ના કર્મચારીઓ ગ્રામજનો તથા ચુંટાયેલા પ્રતિનિધિ ઓ સાથે બેઠક કરી સાવચેતી રાખવા અને રોગનું કારણ જાણવા પાણીનું સેમ્પલ લેવા તથા આરોગ્ય વિભાગ દ્વારા ડોર ટુ ડોર તપાસ કરવી તેવી સુચના આપવામાં આવી હતી.

સરપંચ બાલીસણા ગ્રામ પંચાયત મુકતીબેન પટેલ દ્વારા બાલીસણા ગામે ટ્રેકટર માટે તેમજ હાઈવે પર સ્પીડ બ્રેકર બનાવવા રજુઆત કરી તેમજ પાણી ના કનેક્શન ગ્રામ પંચાયત ની મંજુરી થી લેવા જણાવેલ તેમજ પાટણ તાલુકા પંચાયત ઉપપ્રમુખ ના પતિ અહેમદભાઈ શેખ દ્વારા પાણીની પાઈપ જુની હોઈ કદાચ લીકેજ ના કારણે આ કમળાના કેશ બની શકે જે નવીન પાઈપ નાંખવા રજુઆત કરતા જે સંદર્ભે તાલુકા વિકાસ અધિકારી તાલુકા પંચાયત પાટણ દ્વારા નાંણા પંચ મા મંજૂર થયેલ હોય આગામી દિવસોમાં કામગીરી શરૂ કરવા સરપંચ બાલીસણા ને સુચના આપી પાટણ તાલુકા પંચાયત સામાજિક ન્યાય સમિતિના ચેરમેન નરેશભાઈ પરમાર દ્વારા આગામી ચોમાસા પહેલા વરસાદી પાણીના નિકાલ ની કાચી કેનાલ વ્હોળા સાફ સફાઈ કરાવવા હીટાચી મશીન ફાળવવા તેમજ રૂબૅન પ્રોજેક્ટ અંતર્ગત બાલીસણા ગામની આરોગ્ય ની સુખાકારી માટે ગટર લાઈન મંજુર કરાવવા દરખાસ્ત વિકાસ કમિશ્નર કચેરી ગાંધીનગર પડેલ છે જે સત્વરે મંજુર કરવા જિલ્લા વિકાસ અધિકારી પાટણ ને રજુઆત કરી ગ્રામજનો દ્વારા પીવાના પાણીની વિતરણ એરીયા વાઇઝ કરવા રજુઆત કરી હતી.

આ પ્રસંગે જિલ્લા વિકાસ અધિકારી જિલ્લા પંચાયત પાટણ ડી.એમ.સોલંકી, મુખ્ય જિલ્લા આરોગ્ય અધિકારી ડો વિષ્ણુભાઈ પટેલ, ડો. ગર્ગ, તાલુકા વિકાસ અધિકારી પાટણ કે.કે પ્રજાપતિ, તાલુકા હેલ્થ ઓફિસર ડો અલ્કેશભાઈ સોહેલ, સરપંચ પટેલ મુકતીબેન નિમેષભાઈ પટેલ, ઉપ સરપંચ દિપકભાઇ પટેલ, પાટણ તાલુકા પંચાયત સામાજિક ન્યાય સમિતિના ચેરમેન નરેશભાઈ પરમાર, પાટણ તાલુકા પંચાયત ઉપપ્રમુખ ના પતિ અહેમદભાઈ શેખ,તલાટી સુનીલભાઈ ત્રિવેદી, અબ્દુલ રહેમાનભાઈ શેખ(મુતત્વલી) તથા આરોગ્ય વિભાગ ના અધિકારીઓ, ગ્રામજનો ઉપસ્થિત રહ્યા હતા.