પાટણ તા. 24
પાટણ તાલુકાના સંખારી ખાતે આવેલ પ્રજાપતિ સમાજના પીપળવાસમાં પીવાના પાણીની સમસ્યા ને લઈને મહિલાઓ દ્વારા સંખારી ગ્રામ પંચાયતના તલાટી ને રજૂઆત કરવામાં આવી હતી. જે રજુઆત ને તલાટી હિરલબેન ગોસ્વામી દ્વારા ગંભીરતાથી લઈને તેના આયોજનની ગ્રાન્ટ માંથી નવીન પાઈપ લાઈન નાખવા માટેની દરખાસ્ત કરી દેવામાં આવી હતી.
તો આ સમગ્ર મામલે ગામના યુવાન આગેવાન ગોવિંદ ભાઈ પ્રજાપતિને જાણ થતા તેઓએ આ બાબતે તાલુકા વિકાસ અધિકારી સાથે ટેલિફોનિક વાતચીત કરી હતી. જેને લઇને સોમવારે તાલુકા વિકાસ અધિકારી કેતનભાઇ પ્રજાપતિએ સંખારી ગામ ના પીપળ વાસ ની રૂબરૂ મુલાકાત લઈ સ્થાનિક મહિલાઓ અને વડીલો સાથે ચર્ચા વિચારણા કરી હતી. અને પીવાના પાણીનો મુદ્દો ખૂબ જ ગંભીર હોઇ તાત્કાલિક અસરથી નવીનપાઇપ નાખવાની તાલુકા વિકાસ અધિકારી દ્વારા રહીશોને હૈયાધારણા આપવામાં આવી હતી.
