ટ્રાફિક નિયમનનો ભંગ કરનાર કેટલાક વાહન ચાલકો સામે દંડાત્મક કાર્યવાહી કરવામાં આવી..
પાટણ તા. 8
સોમવારે પાટણના ગીચ ટ્રાફિક વાળા વિસ્તારમાં બગવાડા થી રેલ્વે સ્ટેશન તેમજ રેલ્વે સ્ટેશન થી હિંગળા ચાચર સુધી ટ્રાફિક નિયમન સારું ટ્રાફિકના માણસો તેમજ ટી આર બી જવાનો સાથે ફૂટ પેટ્રોલિંગ કરવામાં આવ્યું હતું.જેમાં Mvact122,177(અડચણ રૂપ પાર્કિંગ )મુજબ વાહન ચાલકો સામે કાર્યવાહી કરવામાં આવી હતી તો કેટલાક વાહનો M.V.act 207 મુજબ ડીટેન કરવામાં આવ્યા હતા. સાથે સાથે રાહદારીઓને અને લારી ગલ્લા વાળાઓને કાયદા અનુસાર ટ્રાફિક ના નિયમોનું પાલન કરવા સૂચનાઓ આપવામાં આવી હતી.
પાટણ શહેરના મુખ્ય બજાર માર્ગો પર ટ્રાફિક નિયમનના પાલન અર્થે પોલીસ તંત્ર દ્વારા હાથ ધરાયેલી કામગીરીને લઈને આડેધડ પાર્કિંગ કરતાં વાહન ચાલકોમાં અને ટ્રાફિકને અડચણરૂપ બનતા શાકભાજીની લારીઓ વાળા માં સન સનાટી મચી જવા પામી હતી.
