હારીજ માગૅ પરની કુરેજા થી પીપલાણા તરફ જતી નમૅદા ની મુખ્ય કેનાલ ના સર્વિસ રોડ પર પડેલા મસ મોટા ગામડા..

નમૅદા ની મુખ્ય કેનાલ મા ફોસૅ થી અને વધુ માત્રામાં પાણી છોડવામાં આવે તો મોટી દુર્ઘટના સર્જાઈ શકે તેવી શક્યતા પ્રબળ બની.

પાટણ તા.1 પાટણ પંથક માથી પસાર થતી મોટાભાગની નમૅદા કેનાલો ની કામગીરી હલકી ગુણવત્તા વાળી કરાઈ હોય તેવું અવાર નવાર નમૅદા કેનાલમાં ગાબડાં પડવાની ઘટના પરથી ફળીભૂત થતું હોવાનું પંથકના લોકો મા ચચૉઈ રહ્યું છે. તો કેનાલમાં અવાર નવાર પડતાં ગાબડા મામલે નમૅદા વિભાગના અધિકારીઓ પણ કોઈ નકકર કામગીરી ન કરતાં હોવાના કારણે કેનાલની આજુબાજુ ના ખેતરો ના માલિકોને પણ ધણી વખત કેનાલ ના પાણી પોતાના વાવેતર કરવામાં આવેલ ખેતરો મા ફરી વળતા નુકસાન ભોગવવું પડતું હોય છે ત્યારે હાલમાં પાટણ પંથકના હારીજ રોડ ઉપર આવેલ નર્મદાની મુખ્ય કેનાલની સરક્ષણ દિવાલો મા મોટા ગાબડા પડયા હોય કેનાલ માગૅ પરથી પસાર થતાં વાહન ચાલકો સહિત કેનાલ આજુબાજુના ખેતરો ના માલિકો જીવ પડીકે બંધાયા છે.

હારીજ રોડ પરની કુરેજા થી પીપલાણા તરફ જતી નમૅદા ની મુખ્ય કેનાલ ના સર્વિસ રોડ ઉપર મસમોટા જોખમી ગાબડા ના કારણે નર્મદાની મુખ્ય કેનાલની એક તરફના માગૅ ની પાળ બેસી ગયેલી હાલતમાં જોવા મળી છે ત્યારે હાલમાં કેનાલમાં પાણીની આવક વધુ થાય તો થઈ મોટી દુર્ઘટના થઈ શકે તેવી પણ સંભાવનાઓ પ્રબળ બની છે જો નમૅદા વિભાગના અધિકારીઓ આ મામલે તાત્કાલિક સમારકામ ની કામગીરી હાથ નહિ ધરાવે તો કોઈ પણ સમયે આ નમૅદા ની મુખ્ય કેનાલ મોટી દુર્ઘટના ઉભી કરી શકે તેવી સંભાવનાઓ લોકો મા પ્રબળ બનવા પામી છે.

અહેવાલ યશપાલ સ્વામી