પાટણ ટ્રાફિક પોલીસ અને નગર પાલિકા ને આખરે શહેર ના મેઈન બજારમાં ટ્રાફિકની સમસ્યા નિવારવાની સૂઝ પડી.

શહેર ના મેઈન બજાર માગૅ પરના વેપારીઓના નાના મોટા દબાણો દુર કરવા ઝુંબેશ હાથ ધારી..

દુકાન બહાર દબાણો કરનાર વેપારીઓ સામે દંડાત્મક કાર્યવાહી કરવામાં આવી.

પાટણ તા. 12
પાટણ ટ્રાફિક પોલીસ અને નગરપાલિકા તંત્રને આખરે પાટણ શહેરના મુખ્ય બજાર માર્ગો પર ટ્રાફિકની સમસ્યા ધ્યાને આવતા શુક્રવારના રોજ દબાણ હટાવો ઝુંબેશ હાથ ધરવામાં આવી હતી.પાટણ શહેરના મેઈન બજાર માં ટ્રાફિક પોલીસ અને પાટણ નગર પાલિકાના સંયુક્ત ઉપક્રમે હાથ ધરવામાં આવેલ દબાણ હટાવો ઝુંબેશ દરમિયાન વેપારીઓ દ્રારા પોતાની દુકાન આગળ ના નડતરરૂપ નાના મોટા દબાણો દૂર કરી કેટલાક વેપારીઓ સામે દંડાત્મક કાર્યવાહી હાથ ધરવામાં આવી હતી.

પાટણ શહેર ટ્રાફિક પોલીસ અને પાટણ નગર પાલિકા ના સંયુક્ત ઉપક્રમે શુક્રવારે શહેરના બગવાડા ચોક થી રેલવે સ્ટેશન સહિત મેઈન બજાર માં દિવસ દરમ્યાન દબાણ હટાવો ઝુંબેશ હાથ ધરાતા વેપારીઓ દ્રારા દુકાન બહારના નડતર રૂપ દબાણો જેવા કે ટેબલ, સેડ સહિત ચીજવસ્તુ ઉપાડી લીધા હતા અને કેટલાક વેપારીઓને સ્થળ પર દંડ ની પાવતી આપવામાં આવી હતી.

આ દબાણ હટાવો ઝુંબેશ માં પાટણ ટ્રાફિક પોલીસ ,પાટણ નગર પાલિકા અને હોમગાર્ડ સહિત પાલિકા નો કાફલો જોડાયો હતો.પાટણ ટ્રાફિક પોલીસ અને પાટણ નગરપાલિકાના સંયુક્ત ઉપક્રમે અચાનક હાથ ધરાયેલી દબાણ હટાવ ઝુંબેશને લઈને વેપારીઓમાં ફફડાટ વ્યાપી જવા પામ્યો હતો. તો પાટણના પ્રબુદ્ધ નગરજનોએ પોલીસ તંત્ર અને પાલિકા તંત્ર દ્વારા કાયમી ધોરણે આવી ટ્રાફિક નિયમનની વ્યવસ્થા જળવાય તે માટે આશા વ્યક્ત કરી હતી.