દાતા પરિવાર દ્વારા તૈયાર કરાયેલા તર્પણ વિધિ હોલની સેવા સરાહનીય બની..
પાટણ તા. 2
પાટણ શહેરના શ્રી પદ્મનાભ મુક્તિધામ ખાતે સ્વર્ગસ્થ રમણભાઈ બબાભાઈ પ્રજાપતિ અને સ્વર્ગસ્થ પુષ્પાબેન રમણભાઈ પ્રજાપતિ પરિવારના સૌજન્યથી અસ્થિ તર્પણ વિધિ માટેના હોલનું નવનિર્માણ કરવામાં આવ્યું છે.
જે અસ્થિ તર્પણ વિધિ હોલને શુક્રવારના પવિત્ર દિવસે યજમાન પરિવારના વરદ હસ્તે શાસ્ત્રોક્ત મંત્રોચ્ચાર સાથે ખુલ્લો મુકવામાં આવ્યો હતો.
શ્રી પદ્મનાભ મુક્તિધામ ખાતે દાતા પરિવારના સહયોગથી અસ્થિ તર્પણ વિધિ નો હોલ નિર્માણ કરાતા સમગ્ર પદ્મનાભ મંદિર ટ્રસ્ટ પરિવાર, પદ્મનાભ વિકાસ સમિતિ, સમગ્ર પ્રજાપતિ સમાજ સહિત શ્રી પદ્મનાભ મુક્તિધામ ખાતે અંતિમ વિધિ અર્થે આવતા પરિવારજનોએ અસ્થિ તર્પણ માટે અગાઉ જે મુશ્કેલીઓ ભોગવવી પડતી હતી જે મુશ્કેલીઓનું સમાધાન થતા આ અસ્થિ તર્પણ વિધિ હોલની સુવિધા ને સૌએ સરાહનીય લેખાવી હતી.
શ્રી પદ્મનાભ મુક્તિધામ ખાતે શુક્રવારે અસ્થિ તર્પણ વિધિ હોલને ખુલ્લો મૂકવાના આ શુભ પ્રસંગે શ્રી પદ્મનાભ મંદિર ટ્રસ્ટના ટ્રસ્ટી મંડળ સહિત શ્રી પદ્મનાભ વિકાસ સમિતિના સભ્યો, પ્રજાપતિ સમાજના આગેવાનો સહિત દાતા પરિવારના સભ્યો ઉપસ્થિત રહ્યા હતા.
