સ્વાગત કાર્યક્રમને 20 વર્ષ પૂર્ણ થવા ના અવસરે પાટણ જિલ્લા માં થઈ રહી છે સ્વાગત સપ્તાહ ની ઉજવણી…

ગ્રામ સ્વાગત જિલ્લાના વિવિધ ગામડાઓમાં ગ્રામ સ્વાગત ફરીયાદ નિવારણ કાર્યક્રમ યોજાયો…

પાટણ તા. 18
મુખ્યમંત્રીના જનસંપર્ક કાર્યક્રમ હેઠળ, ઓનલાઈન ફરિયાદ નિવારણ કાર્યક્રમ “સ્વાગત” ની શરૂઆત તા.24-4-2003 ના રોજ થઇ હતી.આ કાર્યક્રમને એપ્રિલ મહિનામાં 20 વર્ષ પૂર્ણ થવાના અવસરે પાટણ જિલ્લામાં આ માસના ચોથા સપ્તાહ ની “સ્વાગત સપ્તાહ” તરીકે ઉજવણી કરવા માં આવી રહી છે. જિલ્લાના વિવિધ ગામડા ઓમાં ગ્રામ સ્વાગત ફરીયાદ નિવારણ કાર્યક્રમ યોજાયો હતો. જેમાં વિવિધ ગામડા ઓમાં થી કુલ 650 જેટલી અરજીઓ અને રજૂઆતો મળી હતી.

પાટણ જિલ્લાના વિવિધ તાલુકાના ગામડા ઓમાં ગ્રામ સ્વાગત ફરીયાદ નિવારણ કાર્યક્રમ નું આયોજન કરવામાં આવ્યું હતુ. જેમાં સાંતલપુરના સાંતલપુર, કોલીવાડા, કોરડા, વારાહીમાંથી 51 અરજીઓ/રજૂઆતો મળી છે. રાધનપુરના કામલપુર, ગોતરકા, મામદાવાદ માંથી 167 અરજીઓ/રજૂઆતો મળી છે.

સિદ્ધપુરના બીલીયા-14,કાકોશી-16, કુંવારા-22, નેદરા-20, વાધણા-10 ગામડા ઓમાંથી 82 અરજીઓ/રજૂઆતો મળી છે. પાટણ ગ્રામ્ય ના બાલીસણા, કમલીવાડા, કુણઘેર, રણુંજમાંથી 89 અરજીઓ/રજૂઆતો, પાટણ શહેરમાંથી 5 અરજીઓ/રજૂઆતો, હારીજના જૂના માંકા, વાઘેલ, રોડામાંથી 63 અરજીઓ/રજૂઆતો, સમીના દુદખા, ગોચનાદ, સમીમાંથી 55 અરજીઓ/રજૂઆતો, ચાણસ્માના વડાવલી, ધીણોજ, કંબોઈમાંથી 19, શંખેશ્વરના લોલાડા, શંખેશ્વરમાંથી 42, સરસ્વતીના વામૈયા, મેસર, નાયતા, વાયડ, સાંપ્રત માંથી 77 અરજીઓ રજૂઆતો મળી છે.

આ અરજીઓનો તાલુકા સ્વાગત કાર્યક્રમમાં નિકાલ કરવામાં આવશે.આગામી દિવસોમાં તાલુકા સ્વાગત, જિલ્લા સ્વાગત ફરીયાદ નિવારણ કાર્યક્રમ યોજવા જઇ રહ્યો છે ત્યારે વધુમાં વધુ લોકોને કાર્યક્રમ જોડવા માટે જિલ્લા કલેક્ટર અરવિંદ વિજયને અધિકારી ઓને સુચન પણ કર્યું છે.

તા.24 થી 26 ના રોજ દરેક તાલુકામાં તાલુકા સ્વાગત ફરિયાદ નિવારણ કાર્યક્રમ તથા તા.27 નાં રોજ જિલ્લા સ્વાગત અને રાજય સ્વાગતનું આયોજન કરવામાં આવ્યું છે. આ સપ્તાહની ઉજવણી દરમિયાન જિલ્લાના અલગ અલગ તાલુકામાં યોજાનાર તાલુકા સ્વાગત કાર્યક્રમમાં કલેક્ટર, જિલ્લા વિકાસ અધિકારી, પોલીસ અધિક્ષક, અધિક નિવાસી કલેક્ટર, જિલ્લા ગ્રામ વિકાસ એજન્સીના નિયામક સહીત વર્ગ-૧ ના અધિકારીઓ ઉપસ્થિત રહેશે તેવું સુત્રો એ જણાવ્યું હતું.