શહેર કોગ્રેસ સમિતિ દ્વારા સહી ઝુંબેશ સાથે આવેદન પત્ર સુપ્રત કર્યું..
પાટણ તા. 15
પાટણ શહેર ની મધ્ય માં આવેલ કાજીવાડા નજીક વર્ષો થી કાર્યરત પાવર હાઉસ વિભાગ માં કાયૅરત લાઈટ બિલ ભરવા માટે નું કાઉન્ટર અને અન્ય ફરિયાદ નિવારણ ઓફિસ વિસ્તાર થી દુર અન્યત્ર ખસેડવામાં આવતાં આ વિસ્તાર ના તમામ સમાજ ના લોકો ને પારાવાર મુશ્કેલીઓનો સામનો કરવો પડી રહ્યો છે.
જેને લઈ આ વિસ્તાર ના સર્વે સમાજ ના રહીશો ને સાથે રાખી આ કચેરીઓ પુનઃ કાજીવાડા નજીક ની જુની જગ્યા એ તાત્કાલિક ધોરણે પરત લાવવા ગુરૂવારે પાટણ શહેર કોગ્રેસ સમિતિ દ્વારા સહી ઝુંબેશ સાથે મુખ્ય ઈજનેર ને આ બાબતે આવેદનપત્ર આપવાનો કાર્યક્રમ આયોજિત કરવામાં આવ્યો હતો.
શહેર કોગ્રેસ સમિતિ દ્વારા આયોજિત આ સહી ઝુંબેશ સહિત આવેદનપત્ર આપવાનાં કાર્યક્રમ મા શહેર કોગ્રેસ પ્રમુખ ભરત ભાટિયા, ભુરાભાઈ સૈયદ સહિત કોગ્રેસ ના આગેવાનો, કાર્યકરો વિસ્તાર ના તમામ સમાજ ના લોકોએ મોટી સંખ્યા માં ઉપસ્થિત રહી પોતાનું સમથૅન આપ્યું હતું.
અહેવાલ યશપાલ સ્વામી
