જી-20 ના ગવર્નન્સ સહિતના સભ્યો ના પાટણ આગમનને લઈ પાલિકા દ્વારા હાઈવે વિસ્તારમાં સફાઈ ઝુંબેશ શરૂ કરાઈ.

હાઇવે વિસ્તારના કચરા પોઈન્ટો સહિતની ગંદકીને દૂર કરી દવાનો છંટકાવ કરાયો…

પાટણની પ્રભુતા ને ઉજાગર કરવા વેપારીઓ અને રહીશોને જ્યાં ત્યાં ગંદકી ન કરવા અપીલ કરાઈ…

પાટણ તા. 15 ઐતિહાસિક પાટણ નગરી ની મુલાકાતે આવનાર G-20 ના ગવર્નન્સ અધિકારીઓ સહિત ના સભ્યો ના આગમન પૂર્વે પાટણ નગરપાલિકા તંત્ર દ્વારા શહેરના તમામ પ્રવેશદ્વારોની સફાઈ અભિયાન કામગીરી શરૂ કરવામાં આવી છે.

પાટણ નગરપાલિકાના સફાઈ કર્મચારીઓ દ્વારા શહેરના પ્રવેશ દ્વાર સમા હાઇવે વિસ્તારોની સફાઈ કામગીરીની સાથે સાથે હાઇવે વિસ્તારમાં ખડકાયેલી ગંદકી સહિત કચરા ના સ્ટેન્ડો ની સફાઈ કરવામાં આવી હતી.

પાલિકાના સફાઈ કર્મચારીઓ દ્વારા શહેરના બી ડિવિઝન રોડ પર ગીતાંજલી છાપરાં, યસ વિહાર પાછળના ભાગે આવેલા કચરાના પોઇન્ટ, કિડ્સ સ્કૂલ નજીક મેલડી માતા મંદિર સામેના કચરાના પોઇન્ટ, પ્રજાપતિ છાત્રાલય પાસે ખડકાતી ગંદકી, નવા બસ સ્ટેશન પાસેની ગંદકી ને દૂર કરી દવા નો છટકાવ કરવામાં આવ્યો હોવાનું નગરપાલિકાના એસઆઈ મુકેશભાઈ રામી એ જણાવ્યું હતું.

સાથે સાથે તેઓએ વિસ્તારના રહીશો અને વેપારીઓને પાટણની પ્રભુતાને ઉજાગર કરવા અને બહારથી આવતા મહાનુભાવો પાટણની સારી છાપ લઈને જાય તે માટે જ્યાં ત્યાં ગંદકી ન કરવા પાલિકા તરફથી અપીલ કરવામાં આવી હોવાનું તેઓએ જણાવ્યું હતું.

અહેવાલ યશપાલ સ્વામી