પાટણ તા. 27 ગુજરાત સરકારના વિજ્ઞાન અને પ્રોદ્યોગિકી વિભાગના નેજા હેઠળ કાર્યરત ગુજકોસ્ટ દ્વારા સ્થાપિત પાટણના રિજીયોનલ સાયન્સ સેન્ટર ખાતે 27 જુલાઈ 2023 ના રોજ ડૉ. એ.પી.જે. અબ્દુલ કલામની 8મી પુણ્યતિથિ પર શ્રદ્ધાંજલિ અપાઈ જેમાં 50થી વધુ સહભાગીઓ ભાગ લીધો હતો. સાયન્સ સેન્ટર ના પ્રોજેકટ ડાયરેક્ટર ડો સુમિત શાસ્ત્રીએ જણાવ્યું કે ડો. કલામ ના કથન “સપના એ નથી કે જે તમે ઊંઘમાં જુઓ છો, સપના એ છે જે તમને ઊંઘવા નથી દેતા” તેમને પ્રેરણા આપે છે અને કહ્યું કે ડો. કલામના પ્રેરણાદાયી વારસા, શિક્ષણ, વૈજ્ઞાનિક ભાવના અને દેશભક્તિને પ્રોત્સાહન અને સમાજની સુધારણા માટેના તેમના અતૂટ સમર્પણ અને ભારતના અવકાશ અને મિસાઇલ પ્રોગ્રામમાં તેમની મુખ્ય ભૂમિકાની યાદ અપાવે છે. ડો. કલામ ના જીવન ભવિષ્યની પેઢીઓને જ્ઞાન, નવીનતા અને માનવતાની સેવામાં યોગદાન આપવા પ્રોત્સાહિત કરે છે. આ સાયન્સ સેન્ટર ભારતને સુપર પાવર અને આત્મનિર્ભર બનાવવા માટે વિદ્યાર્થીઓ અને લોકોમાં ડૉ. કલામના સંદેશ અને કાર્યોને ફેલાવતું રહેશે.
