ઉપસ્થિત મહાનુભાવો એ બાળકોને કુમ કુમ તિલક કરી મીઠું કરાવી આવકાર્યા.
શાળા સંકુલમાં વૃક્ષારોપણ કરી વૃક્ષના જતન માટે સંકલ્પ ગ્રહણ કર્યા..
પાટણ તા. ૩
રાજ્ય સરકાર દ્વારા આયોજિત કન્યા કેળવણી મહોત્સવ અને શાળા પ્રવેશોત્સવ 2024 ની દરેક શાળાઓમાં ઉજવણી કરવામાં આવી છે ત્યારે ચાણસ્મા તાલુકાના વડાવલી ગામે આવેલી શ્રી સી.એ.શાહ નુતન વિદ્યાલય ખાતે પણ કન્યા કેળવણી મહોત્સવ અને શાળા પ્રવેશોત્સવની ઉત્સાહ ઉમંગ સાથે ઉજવણી કરવામાં આવી હતી.
આ પ્રસંગે ઉપસ્થિત રહેલા મહાનુભાવો સહિત શાળા પરિવાર દ્વારા પ્રવેશ મેળવનાર બાળકોને કુમકુમ તિલક કરી મોઠુ મીઠું કરાવી શૈક્ષણિક કીટ અપૅણ કરી આવકારવામાં આવ્યા હતા. ત્યારબાદ ઉપસ્થિત મહાનુભાવો એ શાળા સંકુલ ખાતે વૃક્ષા
રોપણ કરી વૃક્ષના જતન માટે સંકલ્પ ગ્રહણ કર્યા હતા.
વડાવલી ની શ્રી સી.એ.શાહ નૂતન વિદ્યાલય ખાતે આયોજિત કરાયેલા કન્યા કેળવણી મહોત્સવ અને શાળા પ્રવેશોત્સવ 2024 ના કાર્યક્રમને સફળ બનાવવા શાળાના આચાર્ય સહિત સમગ્ર સ્ટાફ પરિવારે સુંદર આયોજન સાથે જહેમત ઉઠાવી હતી.
અહેવાલ યશપાલ સ્વામી
