પાટણ તા. 26 ભારત વિકાસ પરિષદ, પાટણ શાખા મહિલા ટીમ દ્વારા આવનાર પવિત્ર રક્ષાબંધન પર્વ નિમિત્તે યુવા વિદ્યાર્થીઓમા સર્જનાત્મક કૌશલ્ય વિકસે તેવા શુભ હેતુથી પાટણ શહેરની બી. ડી. એસ આર્ટસ, સાયન્સ અને કોમર્સ કોલેજ ખાતે રાખડી બનાવવાની સ્પર્ધા નું આયોજન અને રક્ષાબંધન પવૅ ની ઉજવણી કરવામાં આવી હતી.
રાખડી બનાવવાની સ્પર્ધા માં કુલ 38 વિદ્યાર્થીઓએ ભાગ લીધો હતો તેમાંથી ઉત્તમ રક્ષાસુત્ર બનાવનાર પ્રથમ પાંચ ક્રમાંક પ્રાપ્ત કરનાર વિદ્યાર્થીઓને શિલ્ડ તથા દરેક પ્રતીભાગીઓને પ્રોત્સાહન ઇનામ આપવામાં આવ્યા હતા.આ કાર્યક્રમમાં શાખા પ્રમુખ દિલીપભાઈ પટેલ, મહિલા સંયોજિકા રમીલાબેન પટેલ,અનુબેન પટેલ તથા પ્રાંત પ્રકલ્પ સંયોજિકા પૂર્ણિમાબેન મોદી હાજર રહી કાર્યક્રમને સફળ બનાવ્યો હતો.
અહેવાલ યશપાલ સ્વામી
