પાટણ તા. 26 પાટણ સરસ્વતી પોલીસે વિદેશી દારૂના જથ્થા લઈ જતી સિફટ ગાડી સાથે એક શખ્સને ઝડપી કાયદેસરની કાર્યવાહી હાથ ધરી હોવાનું જાણવા મળ્યું છે. પાટણ શહેર સહિત જિલ્લા માથી પ્રોહીબીશનની બદી ને નેસ્તનાબૂદ કરવા જિલ્લા પોલીસ વડા ની સુચના અનુસાર સરસ્વતી પોલીસે ચક્રો ગતિમાન કયૉ હતા ત્યારે ખાનગી રાહે બાતમી હકીકત મળેલ કે એક સફેદ કલરની સ્વીફટ ડીઝાઇર ગાડી નંબર જી.જે.01 કે.એચ. 3366 ડીસા તરફથી પાટણ તરફ આવનાર છે જે ગાડીમાં વિદેશી દારૂ ભરેલ હોવાની હકીકત આધારે સરસ્વતી પોલીસ ટીમે સરસ્વતી નદીના પુલના છેડે વોચ ગોઠવી હતી જે દરમ્યાન ઉપરોક્ત નંબર વાળી સ્વીફટ ગાડી આવતાં જે ગાડી ઉભી રખાવીગાડીમાં તપાસ કરતાં ગાડી માંથી પરપ્રાતીય ભારતીય બનાવટની વિદેશી દારૂની બોટલ નંગ-57 કી.રૂ-39,879/તથા સ્વીફટ ગાડી જેની કિ. રૂ. 2 લાખ તથા મોબાઇલ નંગ-1 જેની કિ.રૂ.5000/ જે કુલ મળી કુલ કી.રૂ. 2,44,879 ના મુદ્દામાલ સાથે હનુમાનસિંહ બાધ સિંહ રાજપુત રહે.કૈલાસ નગર વાળા ને ઝડપી દારૂ ની હેરાફેરી મા સંડોવાયેલ વાદળસિંહ રામસિંહ વાઘેલા રહે.રામનગર તા.દાંતીવાડા તથા દશરથભાઇ ગાડીવાળા વિરુધ્ધ સરસ્વતી પોલીસ સ્ટેશને ગુનો નોંધી કાયદેસરની કાર્યવાહી હાથ ધરી હોવાનું જાણવા મળ્યું છે.
અહેવાલ યશપાલ સ્વામી
