પાટણ તા. 3 પાટણ શહેરના ડૉ. બાબા સાહેબ આંબેડકર હોલ ખાતે રવિવારે પાટણવાડા અધાર વિભાગ વાલ્મિકી સમાજ દ્વારા પૂર્વ પંચાયત મંત્રી અને પૂર્વ ધારાસભ્ય રણછોડભાઈ દેસાઈના અધ્યક્ષ સ્થાને અનુસૂચિત જાતિ મોરચા ના પ્રદેશ મંત્રી તરીકે ગંગારામભાઈ સોલંકી ની પુનઃ વરણીના ઉપલક્ષ્યમા સન્માન સમારોહ કાર્યક્રમ આયોજિત કરવામાં આવ્યો હતો. આયોજિત આ કાર્યક્રમમાં ગંગારામભાઈ સોલંકી પ્રદેશ અનુસુચિત જાતિ મોરચા પ્રદેશમંત્રી તરીકે પુનઃ વરણી થતાં પૂર્વ પંચાયત મંત્રી રણછોડભાઈ રબારી એ શુભેચ્છા પાઠવી આગામીલોકસભા ની ચુટણીમાં અનુસુચિત જાતિ મોરચાની ભાજપને વિજયી બનાવવા મહત્વની ભૂમિકા રહે અને તેનો યશ ગંગારામભાઈ સોલંકી ને પ્રાપ્ત થાય તેવી અભિલાષા વ્યકત કરી વાલ્મિકી સમાજ ને માર્ગદર્શન પુરૂ પાડ્યું હતું. ગંગારામભાઈ સોલંકી ના સન્માન સમારોહ પ્રસંગે મોટી સંખ્યામાં અનુસૂચિત જાતિ મોરચાના આગેવાનો, કાર્યકરો, સમાજના લોકો મોટી સંખ્યામાં ઉપસ્થિત રહ્યા હતા.
અહેવાલ યશપાલ સ્વામી
