પાટણની શેઠશ્રી એન.જી.પટેલ (એમ.એન) પ્રાથમિક શાળાના બાળકો રિજિયોનલ સાયન્સ મ્યુઝિયમ – ડાયનાસોર પાર્કની મુલાકાત લીધી.

પાટણની શૈક્ષણિક ક્ષેત્રે,રમત-ગમત ક્ષેત્રે,સાંસ્કૃતિક ક્ષેત્રે બાળકોના સતત સર્વાંગી વિકાસમાં અગ્રેસર એવી શેઠશ્રી નાગરદાસ ગુલાબચંદ પટેલ પ્રાથમિક શાળા તથા શેઠ એમ. એન.પ્રાથમિક શાળામાંથી રિજિયોનલ સાયન્સ મ્યુઝિયમ-ડાયનાસોર પાર્કની મુલાકાત લેવામાં આવી. શાળાના ધોરણ-1 થી 5 ના વિદ્યાર્થીઓને પાટણમાં આવેલ રિજિયોનલ સાયન્સ મ્યુઝિયમ અને ડાયનાસોર પાર્કની શૈક્ષણિક હેતુથી સ્થાનિક એક દિવસીય પ્રવાસનું આયોજન કરવામાં આવ્યું જેમાં સાયન્સ વિઝનના ડાયરેક્ટર ઉજવલભાઈ અને તેમની સમગ્ર ટીમ દ્વારા બાળકોને 30-30 ના ગ્રુપમાં વહેચવામાં આવ્યા.

બાળકોને સરળતાથી સાયન્સ વિષયવસ્તુ સમજાય તેવી રીતે માર્ગદર્શન આપવામાં આવ્યું. જેમ કે માનવના હાડપિંજર અવયવો, માનવના ચેતાતંત્ર, મગજના મોડલ બતાવીને બાળકોને શરીરના અવયવોની પઝલ દ્વારા શૈક્ષણિક જ્ઞાન આપ્યું તેમજ આદિમાનવ, ડાયનાસોરની ઉત્પત્તિ, નોબલ પાર્ટોસિક એવોર્ડ અનેક દેશના રાષ્ટ્રીય પ્રતીકો અને ચિન્હો તેમજ થિયેટરમાં થ્રીડી સિસ્ટમ દ્વારા ટ્રેન અવકાશમાં ઉડતી હોય તેવા પ્રત્યક્ષ અનુભવ સાથે મનોરંજન દ્વારા બાળકોએ શૈક્ષણિક જ્ઞાન પ્રાપ્ત કર્યું. તેમજ બાળકોએ લાઈવ ડાયનાસોર પાર્ક નિહાળવાની ખૂબ જ મજા માણી હતી. જે બાબતે શાળાના આચાર્યશ્રી તથા શાળા પરિવારે ડાયનાસોર પાર્કના મેનેજર ઉજવલભાઈ અને તેમની સમગ્ર ટીમનો આભાર વ્યક્ત કર્યો હતો.

ફ્રોમ
વસંતભાઈ પટેલ
આચાર્ય ,શેઠ એમ. એન. પ્રાથમિક શાળા

અહેવાલ યશપાલ સ્વામી