ગુજરાત સ્ટેટ ફાર્મસી કાઉન્સિલની યોજનારી ચૂંટણીમાં ફાર્મા ગૌરવ પેનલે ઉમેદવારો ઉતાર્યા..

પાટણ કેમિસ્ટ એન્ડ ડ્રગિસ્ટ એસો.ની કારોબારી બેઠકમાં પેનલના ઉમેદવારો વિજેતા બનાવવા આહવાન કરાયું..

પાટણ તા. 29 આગામી દિવસોમાં યોજાનાર ગુજરાત સ્ટેટ ફામૅશી કાઉન્સિલ ની ચુટણીમાં અખિલ ભારતીય વિધાર્થી પરિષદ અને ઘી ગુજરાત સ્ટેટ કેમિસ્ટ એન્ડ ડ્રગીસ્ટ એસો.ના સમન્વય થી સંયુક્ત “ફાર્મા ગૌરવ પેનલ” ના ઉમેદવારો જાહેર કરવામાં આવ્યાં છે જેમાં તન્મય પટેલ મહેસાણા,જીતુલ પટેલ કર્ણાવતી, હસમુખ વાઘેલા બરોડા,હિતેન્દ્ર (પૂનમ) પટેલ મહેસાણા, સત્યેન પટેલ રાજકોટ,ભીખાલાલ ગોયાણી સુરત ની ઉમેદવારો તરીકે પસંદગી કરવામાં આવી છે. “ ફાર્મા ગૌરવ પેનલ” ના ઉમેદવારો ને વિજય બનાવવા ગતરોજ પાટણ કેમિસ્ટ & ડ્રગીસ્ટ એસો.ની કારોબારી સમિતિ ની એક અગત્ય ની મિટીંગ નું આયોજન પાટણ ખાતે કરવામાં આવ્યું હતું.

આ બેઠકમાં નોર્થ ઝોન પ્રમુખ જીતુભાઈ દ્વારા ફાર્મસી કાઉન્સિલ ની ચૂંટણી બાબતે માર્ગદર્શન પુરૂ પાડવામાં આવ્યું હતું. બેઠકમાં પાટણ કેમિસ્ટ & ડ્રગીસ્ટ એસોસિએશનના પ્રમુખ કેતનભાઈ પટેલ, મંત્રી વિનોદભાઈ મોદી સહિત કારોબારી સભ્યો તેમજ ફાર્મસીસ્ટો,ઉમેદવારોએ ઉપસ્થિત રહી પેનલ ને વિજય બનાવવા આહવાન કર્યું હતું.

અહેવાલ યશપાલ સ્વામી