યુનિવર્સિટીના પત્રકારત્વ વિભાગ અને એસ.કે.કોલેજના સંયુક્ત ઉપક્રમે લુપ્ત થતાં વૃક્ષો નું રોપણ કરાયું..

પાટણ તા. 18 હેમચદ્રાચાર્ય ઉત્તર ગુજરાત યુનિવર્સિટી ના પત્રકારત્વ વિભાગ અને એસ. કે. કોલેજ દ્વારા સોમવારે ‘ બીજા રોપણ’ કાર્યક્રમ આયોજિત કરવામાં આવ્યો હતો. જેમાં બદામ, અરીઠા, આમળો, શીમળો, બહેડા, ગોરસ આંબલી, ટેટૂ, ગુલમહોર સહિતના બીજ નું વાવેતર કરવામાં આવ્યું હતું. આ વૃક્ષો વાવેતર નો ઉદેશ યુનિવર્સિટી કેમ્પસમાં વિવિધ પક્ષીઓ ઝાડ ઉપર પોતાનું આશ્રય સ્થાન મેળવી શકે તેમજ ગુજરાતમાં ઓછા થતા વૃક્ષોને બચાવી શકાય તે હોવાનું જણાવ્યું હતું .

આ બીજ પર્યાવરણીય પત્રકાર કિશોરભાઈ પઢિયાર દ્વારા વિનામૂલ્યે પત્રકારત્વ વિભાગને આપવામાં આવ્યા હતા. કાર્યક્રમમાં બી.બી.એ. વિભાગના અધ્યાપક ડો. જય ત્રિવેદી, ડો.ચિરાગ પટેલ, પત્રકારત્વ વિભાગના અધ્યાપક ભરતભાઈ ચૌધરી,સહાયક ઈશ્વરભાઈ પરમાર તેમજ બંને વિભાગના વિદ્યાર્થીઓએ સંકુલ ખાતે ઝરમર વરસતા વરસાદ વચ્ચે લુપ્ત થતી વનસ્પતિઓનું વાવેતર કરવામાં આવ્યું હતું.

અહેવાલ યશપાલ સ્વામી