પાટણ તા. 27
પાટણની હેડ પોસ્ટ ઓફિસ દ્વારા પોસ્ટલ કામગીરીની સાથે સરકારની બેકિંગ, વીમા સહિત અનેકવિધ યોજનાઓની પણ કામગીરી કરાય છે.આ યોજનાઓની જાણકારી આપવા માટેપાટણ નગરપાલિકા ખાતે પાટણ હેડપોસ્ટ ઓફિસ દ્વારા સેમિનાર યોજાયો હતો.આ સેમિનારમાં પોસ્ટ ઓફિસની બચત યોજનાઓ, રિકરીંગ, ટાઈમ ડિપોઝીટ, સિનિયર સિટીઝન સેવિંગ્સ એકાઉન્ટ, સુકન્યા સમૃધ્ધિ યોજના, પીપીએ,અટલ પેન્શન, પ્રધાનમંત્રી જીવન અને દુર્ઘટના વિમા યોજના વિગેરે યોજનાઓ અંગે નગરપાલિકાનાં અધિકારી-
કર્મચારીઓને પોસ્ટ વિભાગના અધિકારીઓ દ્વારા જાણકારી આપવામાં આવી હતી.આ સેમિનાર પ્રસંગે પાટણ નગરપાલિકાનાં પ્રમુખ હિરલબેન પરમાર, ઉપપ્રમુખ હિનાબેન શાહ, કારોબારી ચેરમેન મુકેશ જે.પટેલે પણ ખાસ ઉપસ્થિત રહી પાલિકાના કમૅચારીઓ ને પોસ્ટની આ સેવાઓનો લાભ લેવા અપીલ કરી હતી.
