ભગવાન જગન્નાથના આહવાન માટે પાટણ અને મહેસાણાના 51 ભૂદેવો દ્વારા સંગીતમય શૈલી માં સૌ પ્રથમવાર જગન્નાથ સ્ત્રોત ના મંત્રોચ્ચાર કરાયા..

ભૂદેવો દ્વારા એક પણ રૂપિયાની દક્ષિણા લીધા વગર ભોજન પ્રસાદના દાતા તરીકે ભૂદેવો એ લાભ લીધો…

જગન્નાથ મંદિર ટ્રસ્ટના મેનેજિંગ ટ્રસ્ટીએ ટ્રસ્ટ વતી તમામ ભુદેવોનો સહ હૃદય આભાર વ્યક્ત કર્યો..

પાટણ તા. ૫
ભગવાન જગન્નાથજીની 142 મી રથયાત્રાને લઈને જગન્નાથ મંદિર ટ્રસ્ટ અને રથયાત્રા સમિતિ સહિત જગન્નાથ ભક્તો દ્વારા વિવિધ ધાર્મિક ઉત્સવ અને કાર્યક્રમોનું આયોજન કરવામાં આવ્યું છે.

ત્યારે ગુરુવારની રાત્રે ભગવાન જગન્નાથ સન્મુખ પાટણ ની 142 મી રથયાત્રા નિમિત્તે પાટણ અને મહેસાણા ના 51 વિદ્વાન ભૂદેવો દ્વારા વેદોક્ત મંત્રોચ્ચાર સાથે પુરુષસુત્ક જગન્નાથ સ્તોત્રનું ભક્તિ સંગીત સાથે ગાન કરી ભગવાન જગન્નાથજી નું આહવાન કરવામાં આવ્યું હતું.

પાટણ અને મહેસાણા ના વિદ્વાન બ્રાહ્મણોએ સંસ્કૃતના ઉચ્ચારણો સાથે ભગવાન જગન્નાથજીના આહવાન માટે કરાયેલા આ કાર્યમાં મોટી સંખ્યામાં પાટણના ધર્મ પ્રેમી નગરજનો સહિત જગન્નાથ મંદિર ટ્રસ્ટના ટ્રસ્ટીગણ, રથયાત્રા સમિતિના સેવાભાવી સભ્યો તેમજ ગણ માન્ય મહાનુભાવો એ ઉપસ્થિત રહી ભગવાન જગન્નાથજીની આરાધના કરી હતી.

પાટણ શહેરમાં ભગવાન જગન્નાથજીની 142 મી રથયાત્રા નિમિત્તે સૌપ્રથમવાર 51 ભૂદેવોના મંત્રોચ્ચાર વચ્ચે ભગવાન જગન્નાથજીના આહવાન માટે કરાયેલા આ ધાર્મિક કાર્યક્રમ મા ઉપસ્થિત રહેલા ભૂદેવોએ એક પણ રૂપિયા ની દક્ષિણા લીધા વગર મંદિર પરિસર ખાતે આયોજિત પ્રસાદરૂપી જણમ વાર ના દાતા તરીકે તમામ ભૂદેવો એ સહયોગ આપી

સૌ પ્રથમ વખત જગન્નાથ મંદિર પરિસર ખાતે આયોજિત આવા ધાર્મિક કાર્યક્રમ ની સરાહના કરતાં પાટણ જગન્નાથ મંદિર ટ્રસ્ટના મેનેજિંગ ટ્રસ્ટી પિયુષભાઈ આચાર્યએ તમામ ભુદેવોનો જગન્નાથ મંદિર ટ્રસ્ટ અને રથયાત્રા સમિતિ વતી હૃદય પૂર્વક આભાર વ્યક્ત કરી જગન્નાથ મંદિર ખાતે રથયાત્રા નિમિત્તે ચાલુ સાલે આયોજિત કરાયેલા ધાર્મિક કાર્યક્રમોના આયોજન માં ભૂદેવો દ્વારા અપાયેલા માર્ગદર્શન બદલ પણ આભાર લાગણી વ્યક્ત કરી હતી.

અહેવાલ યશપાલ સ્વામી