વિદેશી દારૂ બીયરની હેરાફેરી કરતો બુટલેગર ગાડી સહિત રૂ.૯.૨૫ લાખનાં મુદામાલ સાથે એલસીબીનાં હાથે ઝડપાયો..

દારૂ બિયર નો જથ્થો મોકલનાર અને મંગાવનાર અન્ય પાચ બુટલેગરોને ઝડપી લેવા ચક્રો ગતિમાન કરાયા..

પાટણ તા. ૧૧
પાટણ એલસીબી પોલીસે બાતમીના આધારે ગાડી મારફતે વિદેશી દારૂ બિયરની હેરાફેરી કરતા બુટલેગરને રૂ.૯.૨૫ લાખ
ના મુદ્દા માલ સાથે ઝડપી લઈ દારૂ બીયરનો જથ્થો મંગાવનાર અન્ય પાંચ બુટલેગરો સામે ગુનો નોંધી આગળની કાર્યવાહી હાથ ધરી હોવાનું જાણવા મળ્યું છે. આ બાબતે મળતી હકીકત મુજબ પાટણ જિલ્લા પોલીસ અધિક્ષક ની સૂચના મુજબ પ્રોહી બીસન ને લગતી ગે.કા.પ્રવૃતિ દુર કરવા પાટણ એલસીબી ઇન્ચાર્જ પીઆઈ આર.એમ.પરમાર અને સ્ટાફના માણસોએ નાઇટ રાઉન્ડ પેટ્રોલીંગ સધન બનાવ્યું હતું જે પેટ્રોલિંગ દરમ્યાન ખાનગી રાહે બાતમી હકીકત મળેલ કે, એક સફેદ કલરની સ્કોર્પીયો ગાડી નં.GJ-02-W-0254 માં ભારતીય બનાવટનો વિદેશીદારૂનો જથ્થો ભરી બનાસકાંઠા જીલ્લામાં થઇ દુધારામ પુરા અનાવાડા થઈ પાટણ ટાઉનમા આવનાર છે.

જે હકીકત આધારે અનાવાડા થી દુધારામપુરા જવાના રસ્તે આવેલ કેનાલ ઉપર ટીમે નાકાબંધી કરતા હકીકતવાળી સ્કોર્પીયો ગાડી નિકળતા તેને ઉભી રખાવી તપાસતા ગાડી માથી ગે.કા.ભારતીય બનાવટના વિદેશી દારૂ બીયરની કુલ બોટલ ટીન નંગ-૨૪૩૬ જેની કિ.રૂ.૪,૧૪,૩૦૦/- તથા સ્કોર્પીયો ગાડી કિ.રૂ. ૫,૦૦, ૦૦૦/- તથા મોબાઇલ ફોન નંગ-૦૧ કિ.રૂ.૧૦,૦૦૦/- તથા રોકડ રકમ રૂ.૮૮૦/- મળી કુલ કિ.રૂ.૯,૨૫,૧૮૦/- ના મુદામાલ સાથે ડાભી (વજીર) નિતિન ભરતભાઇ અખાજી ઉ.વ.૨૫ રહે ભોડાળીયા તા.ભાભર જી.બનાસકાંઠા વાળાને ઝડપી વિદેશી દારૂ બીયર મોકલનાર તેમજ મંગાવનાર મળી પાંચ બુટલેગર વિરુદ્ધ ગુનો નોંધી તપાસ હાથ ધરી હોવાનું જાણવા મળ્યું છે.

અહેવાલ યશપાલ સ્વામી