પાટણ ઉડાન વિદ્યાલય દ્વારા કારગિલ વિજ્ય દિવસ ની અનોખી રીતે ઉજવણી કરાઈ…

શાળાના ધોરણ છ માં અભ્યાસ કરતા બાળકોએ આર્મી જવાનોના ડ્રેસ સાથે કાર્યક્રમ રજૂ કરી સૌને મંત્રમુગ્ધ કર્યા…

પાટણ તા. 26 તા 26 જુલાઇ ને ‘કારગિલ વિજય દિવસ તરીકે ઉજવવામાં આવે છે મા ભોમની રક્ષા કાજે શહિદ થયેલા વિર જવાનો ની યાદ મા મનાવવામાં આવતા કારગિલ વિજય દિવસ ની પાટણ ઉડાન વિધાલય ના વિધાર્થીઓ દ્રારા અનોખી રીતે ઉજવણી કરવામાં આવી હતી.

કારગિલ વિજય દિવસ નિમિત્તે ઉડાન વિધાલય ના ધો. 6 મા અભ્યાસ કરતાં વિધાર્થીઓ દ્રારા રાષ્ટ્રભાવનાને ઉજાગર કરવાના ઉદેશથી અને દેશની સરહદો પર દેશની રક્ષા કરી રહેલા વીર જવાન સૈનિકો કેવી પરિસ્થિતિમાં અને કેવી રીતે દેશના દુશ્મનો સામે તેમજ આતંકવાદીઓનો ખાતમો બોલાવી દેશની સુરક્ષા કરી રહ્યા છે.

એવા દ્રશ્યોને હુંબહુ દર્શાવતા કારગિલ વિજય કાર્યક્રમ પાટણ નજીક આવેલ શિહોરી રોડ પર યુદ્ધ ભૂમિ સમાન દ્રશ્યમાન થતાં મેદાનમા શાળાના બાળકો એ આર્મી જવાનો ના ડ્રેસ પરિધાન સાથે જાણીતી ફિલ્મ બોર્ડર ના અમુક અંશો રજૂ કરી દેશદાઝ ની ભાવના ને ચરિતાર્થ કરી ઉપસ્થિત સૌને મંત્રમુગ્ધ બનાવ્યાં હતા.

કારગીલ વિજય દિન નિમિત્તે ઉડાન વિદ્યાલય ના ધોરણ છ માં અભ્યાસ કરતા બાળકો દ્વારા તૈયાર કરાયેલા રાષ્ટ્રની ભાવના સાથેના આ કાર્યક્રમને સફળ બનાવવા સમગ્ર ઉડાન શાળા પરિવારે જહેમત ઉઠાવી હતી. શાળાના વિદ્યાર્થીઓને પ્રોત્સાહિત કરવા શાળા ના સંચાલક ચેતનભાઇ બારોટે ખાસ ઉપસ્થિત રહી બાળકોનો દેશપ્રેમી માટે જોમ અને જુસ્સો વધાર્યો હતો.