શ્રી પદ્મનાભ ભગવાનના સપ્ત રાત્રી મેળા દરમ્યાન ખુટતી સુવિધા ઉપલબ્ધ બનાવવા સમાજના નગરસેવકો એ પાલિકા તંત્રને લેખિત રજૂઆત કરી..

પાલિકા પ્રમુખ દ્રારા મેળા દરમ્યાન સંપૂર્ણ સહયોગ ની ખાતરી આપી.

પાટણ તા. ૨૨
પાટણ પ્રજાપતિ સમાજના ઇષ્ટદેવ ભગવાન શ્રી પદ્મનાભજીના કારતક સુદ ચૌદસ થી રેવડિયા મેળા તરીકે પ્રસિદ્ધ પામેલા સપ્ત રાત્રી મેળા નો પ્રારંભ થનાર છે ત્યારે શ્રી પદ્મનાભ મંદિર પરિસર સહિત માટી સ્વરૂપે પુજાતા વિવિધ દેવી-દેવતાઓના કયારાઓની મરામત કામગીરી સાથે શ્રી પદ્મનાભ વાડી ની સફાઇ કામગીરી શરૂ કરવામાં આવી છે.

પાટણ પ્રજાપતિ સમાજના ઇષ્ટદેવ ભગવાન શ્રી પદ્મનાભજીના સપ્ત રાત્રી મેળા દરમ્યાન પદ્મનાભજીના મંદિર ને જોડતા માગૅ ની મરામત કામગીરી સાથે સફાઈ કામગીરી અને નડતરરૂપ ના દબાણો દુર કરી પાણીના છંટકાવ કરવા તેમજ માગૅ પર ની બંધ સ્ટ્રીટ લાઈટો સત્વરે રીપેરીંગ કરી ચાલુ કરવાની માગ સાથે પ્રજાપતિ સમાજ ના ચુંટાયેલ નગરસેવકો દ્રારા પાલિકા પ્રમુખ ને લેખિત રજૂઆત કરવામાં આવી છે. તો પાલિકા પ્રમુખ દ્રારા પણ પ્રજાપતિ સમાજ સહિત સમાજના નગરસેવકો ની રજૂઆત ના પગલે મેળા દરમ્યાન પાલિકા દ્વારા તમામ પ્રકારે મદદરૂપ બનવાની હૈયાધારણા આપી હતી.

અહેવાલ યશપાલ સ્વામી