પાટણ ખાતે આયોજિત દ્વારકાપીઠના શંકરાચાર્યની વિરાટ ધર્મ સભા ના આયોજન ને લઇ પાટણ નગરી સનાતન ધમૅ ના રંગે રંગાઈ…

પાટણમાં 200 વર્ષ જૂના ભગવાન જગન્નાથના મંદિરની ઉત્ખનન વિધિ સાથે જીવદયા ભવનનું લોકાર્પણ અને બે ધામિર્ક પુસ્તક નું વિમોચન કરાશે.

પાટણ તા. ૨૩
દ્વારકાપીઠના જગદગુરુ શંકરાચાર્ય ૫.પૂ સદાનંદ સરસ્વતીજી મહારાજની તા. ૨૮ મી નવેમ્બરે સાજે પાટણના જુનાગંજ ચોક ખાતે આયોજિત વિરાટ ધર્મસભા અને તા.૨૯ મી નવેમ્બરે યુનિવર્સિટીના કન્વેન્શન હોલ ખાતે સવારે બે ધામિર્ક પુસ્તક ના વિમોચન સાથે બપોરે પાટણ ના ૨૦૦ વષૅ જુના જગદીશ મંદિરની ઉત્ખનન વિધિ અને જીવદયા ભવન ના લોકાપર્ણ જેવા ધામિર્ક પ્રસંગો નું ભક્તિ સભર માહોલમાં ભવ્યાતિ ભવ્ય કરાયેલા આયોજનને પગલે પાટણ નગર પણ શંકરાચાર્યજી ના આગમનને લઈ સનાતન ધમૅ ના રંગે રંગાયુ છે.તો જગન્નાથ મંદિર ટ્રસ્ટ દ્વારા પણ દ્રારકાપીઠ ના જગતગુરુ શંકરાચાર્ય પ. પૂ. સદાનંદ સરસ્વતીજી ના આગમનની તડામાર તૈયારીમાં લાગ્યું છે.

પાટણ ખાતે આયોજિત જગતગુરુ શંકરાચાર્ય ની વિશાળ ધર્મ સભા સહિત ના ધામિર્ક પ્રસંગોની માહિતી પ્રદાન કરવા અને આ પ્રસંગોમાં મોટી સંખ્યામાં સનાતન હિન્દુ ધર્મ ના લોકો મોટી સંખ્યામાં ઉપસ્થિત રહે તેવા ઉદેશ સાથે ગુરૂવારે પાટણ જગદીશ મંદિર પરિસર ખાતે પાટણના ઈલેક્ટ્રોનિક તેમજ પ્રિન્ટ મીડિયા ના પત્રકારો સાથે પ્રેસ કોન્ફરન્સ નું આયોજન કરવામાં આવ્યું હતું.

આ પ્રેસ કોન્ફરન્સ મા ઉપસ્થિત રહેલા જગદીશ મંદિર ટ્રસ્ટના મેનેજિંગ ટ્રસ્ટી અને ગુજરાત સમસ્ત બ્રહ્મ સમાજ ના પાટણ જિલ્લા પ્રમુખ પિયુષભાઈ આચાર્યએ માહિતી આપતા જણાવ્યું હતું કે આગામી તારીખ ૨૮ નવેમ્બરે બપોરે પાટણના આગણે દ્વારકા પીઠના જગદગુરુ શંકરાચાર્ય પ.પૂ સદાનંદ સરસ્વતીજી મહારાજ નું આગમન થશે. સાંજે ૬-૦૦ કલાકે શહેરના રેલવે સ્ટેશનથી જુનાગંજ બજાર સુધી ભવ્ય શોભાયાત્રા નીકળશે શોભાયાત્રા માં જગતગુરુ શંકરાચાર્યજી ભગવાન જગન્નાથના રથમાં બિરાજમાન થશે.શોભાયાત્રા મા 500 થી વધુ દીકરીઓ કળશ સાથે જોડાશે. સાથે ૨૦૦ જેટલી દુર્ગાવાહિની બહેનો શૌર્ય પ્રદર્શન કરશે. શોભાયાત્રા ના માગૅ પર નગર જનો દ્રારા શંકરાચાર્યજીનું પુષ્પોથી ભવ્ય સ્વાગત કરશે.તો વિવિધ સંસ્થાઓ શોભાયાત્રા ના રૂટ પર વિવિધ સેવાકીય કેમ્પ કાયૅરત બનાવશે. અને ત્યારબાદ સાંજે ૭-૦૦ કલાકે જુનાગંજ બજાર ચોક ખાતે વિરાટ ધર્મસભા યોજાશે. જેમાં અનેક સંતો- મહંતો અને દાતાઓ ઉપસ્થિત રહેશે.

તા. ૨૯ મી નવેમ્બરે યુનિવર્સિટી ખાતે સવારે ૯-૩૦ કલાકે જગન્નાથ મંદિર ટ્રસ્ટ દ્વારા તૈયાર કરાયેલ ભગવાન પરશુરામના જીવન આધારિત પુસ્તક અને પ્રાર્થના બુકનું વિમોચન જગતગુરુ શંકરાચાર્યજી ના વરદ હસ્તે કરાશે. ત્યારબાદ શહેરના ૨૦૦ વષૅ જુના જગદીશ મંદિર પરિસર ની ઉત્ખનન વિધિ અને જીવદયા ભવનનું લોકાપર્ણ કરવામાં આવશે તેવી સંપૂર્ણ માહિતી ઉપસ્થિત પત્રકારો ને પ્રદાન કરવામાં આવી હતી.

દ્વારકા પીઠના જગતગુરુ શંકરાચાર્ય પરમ પૂજ્ય શ્રી સદાનંદ સરસ્વતીજી મહારાજના બે દિવસીય પાટણ ખાતેના ધાર્મિક કાર્યક્રમોની માહિતી પ્રદાન કરવા જગદીશ મંદિર ખાતે ગુરુવારે આયોજિત ઇલેક્ટ્રોનિક તેમજ પ્રિન્ટ મીડિયાના પત્રકારોની પ્રેસ કોન્ફરન્સમાં ગુજરાત બ્રહ્મ સમાજ સમસ્તના આગેવાન હરગોવનભાઈ શિરવાડિયા, પાટણ જિલ્લા બ્રહ્મ સમાજના ઉપપ્રમુખ વિનોદભાઈ જોશી, જગતગુરુ શંકરાચાર્યજીના કાર્યક્રમના સંયોજક હેમંતભાઈ તન્ના સહિત જગન્નાથ મંદિર ટ્રસ્ટના ટ્રસ્ટીગણ સહિત મોટી સંખ્યામાં પાટણના ઇલેક્ટ્રોનિક તેમજ પ્રિન્ટ મીડિયાના પત્રકારો ઉપસ્થિત રહ્યા હતા.

અહેવાલ યશપાલ સ્વામી