પાટણ હેમચંદ્રાચાર્ય ઉત્તર ગુજરાત યુનીવર્સીટી મા ભાષા ભવન શરૂ કરવા આવેદનપત્ર અપાયું…

અખિલ ભારતીય સાહિત્ય પરિષદ ગુજરાત પ્રાંત દ્રારા કા. કુલપતિને રૂબરૂ મળી રજુઆત કરી..

પાટણ તા. ૨૩
પાટણની હેમચંદ્રાચાર્ય ઉતર ગુજરાત યુનિવર્સિટીમાં ગુજરાતી ભાષા ભવન શરૂ કરવાની માંગ સાથે ગુરૂવારે અખિલ ભારતીય સાહિત્ય પરિષદ ગુજરાત પ્રાંત દ્વારા કા.કુલપતિને આવેદન પત્ર આપી રજુઆત કરવામાં આવી હતી.યુનિવર્સિટીના કા. કુલપતિને અપાયેલા આવેદનપત્ર મા જણાવાયું છે કે ઉત્તર ગુજરાત ના સૌથી મોટા શિક્ષણ ધામ હેમચંદ્રાચાર્ય ઉત્તર ગુજરાત યુનિવર્સિટીમાં માતૃભાષા ગુજરાતી ભાષા ભવન ન હોય વિદ્યાર્થીઓને ગુજરાતી ભાષાના અભ્યાસથી વંચિત રહેવાનો વારો આવ્યો છે.

ભાષા ભવન શરૂ કરવા અંગે વિવિધ સંગઠનો દ્વારા છેલ્લા ઘણા વર્ષોથી રજૂઆત કરવામાં આવી રહી છે છતાં પણ આજ દિન સુધી ભાષા ભવન શરૂ કરવામાં આવ્યો નથી ત્યારે અખિલ ભારતીય સાહિત્ય પરિષદ ગુજરાત દ્વારા હેમચંદ્રાચાર્ય ઉત્તર ગુજરાત યુનીવર્સીટી મા ભાષા ભવન શરૂ કરવામાં આવે તેવી લાગણી સાથે માગણી વ્યકત કરી હોવાનું જાણવા મળ્યું છે. હેમચંદ્રાચાર્ય ઉત્તર ગુજરાત યુનિવર્સિટી ના કા. કુલપતિ ડૉ.રોહિત દેસાઈને આપેલ આવેદનપત્રમાં વધુ મા જણાવ્યું છે કે યુજીસી ની ગાઈડલાઈન મુજબ દરેક યુનિવર્સિટીઓમાં ભાષા ભવન ફરજિયાત શરૂ કરવાનો નિયમ હોય હેમચંદ્રાચાર્ય ઉત્તર ગુજરાત યુનિવર્સિટીમાં પણ નિયમનું પાલન કરી સત્વરે ભાષાભવન શરૂ કરવામાં આવે તેવી માંગ કરવામાં આવી છે.આ આવેદનપત્ર ના કાર્યક્રમમાં અખિલ ભારતીય સાહિત્ય પરિષદ ગુજરાત પ્રદેશ મહામંત્રી ડૉ. ભરત ઠાકોર , પ્રદેશ સદસ્ય ડૉ. બાબુભાઈ પટેલ સહિતના સદસ્યો ઉપસ્થિત રહ્યા હતા.

અહેવાલ યશપાલ સ્વામી