પાટણના મીઠીવાવડી ગામે થી દેશી હાથ બનાવટની બે બંદુક,છરા, દારૂગોળાનો પાવડર,એલ્યુમીનીયમ કેપ સાથે એક ઇસમને ઝડપી પાડતી પોલીસ..

પાટણ તાલુકા પોલીસ ટીમે બાતમીના આધારે ઝડપી કાર્યવાહી હાથ ધરી..

પાટણ તા. ૨૪
પાટણ તાલુકા પોલીસે બાતમીના આધારે મીઠી વાવડી ગામેથી ગેરકાયદેસરની હાથ બનાવટની દેશી બે બંધુકો સહિતના મુદ્દા માલ સાથે એક ઈસમની અટકાયત કરી કાયદેસરની કાર્યવાહી હાથ ધરી હોવાનું જાણવા મળ્યું છે.આ બાબતે મળતી હકીકત મુજબ પાટણ જિલ્લા પોલીસ અધિક્ષક ની સૂચના અનુસાર પાટણ શહેર અને જિલ્લામાં મિલ્કત સબંધી બનતાં ગુનાઓ અટકાવવા સારૂ આપેલ સુચના આધારે પાટણ તાલુકામાં પોલીસ સ્ટેશનમાં ફરજ બજાવતા પીઆઈ જી.એમ.ચૌધરી પોલીસ ટીમ સાથે પો.સ્ટે વિસ્તારમાં પેટ્રોલીંગમાં હતા

દરમ્યાન મળેલ બાતમી હકીકત આધારે મીઠીવાવડી ગામે ઓચિંતો છાપો મારતા સરકારી દવાખાનાની સામે રહેણાક છાપરામાથી દેશી હાથ બનાવટની એક નાળ વાળી બંદુક નંગ-૦૨ કિ.રૂ.૭૦૦૦/- તથા છરા નંગ-૦૧ તથા દારૂગોળાનો પાવડર આશરે ૧૦૦ ગ્રામ જેટલા મુદામાલ સાથે કરીમ S/O સુલેમાન અલ્લારખાં જાતે ભટ્ટી (સિંધી ડફેર) રહે. રાણીસર, ડેરીની પાછળ, તા.સાંતલપુર જી પાટણ હાલ રહે.મીઠીવાવડી સરકારી દવાખાનાની સામે તા.જી.પાટણ વાળાને ઝડપી તેની સામે કાયદેસરની કાયૅવાહી હાથ ધરી હોવાનું જાણવા મળ્યું છે.

અહેવાલ યશપાલ સ્વામી